حكم القاضي ظلم ابكي قهر / تم الرد + غير خاص بقسم الاسرية

السلام عليكم
انا اللي رفعت خلع ع زوجي وكلف القاضي شخصين مصلحين وأئمة مساجد وكنت احسبهم اهل ذمه لانهم ادرى بالشرع
وقال لي القاضي اذا اردتي الرجوع اكتبي من الشروط لو الى عشره وتصدر بصك شرعي بقرارة شاهدين
ولكن لجنة الاصلاح المكونه من شخصين رفضو شروطي واطلعتهم على معاناتي وعرفو خطاه لكن اختلفت معهم على بعض الشروط فقط ورفضت التنازل عنهن
وكتبو للقاضي ان الزوج متجاوب معنا والزوجه لم تتجاوب معنا بشروطها التعسفيه جدا
وخلافاتهم بسيطه وسطحيه جدا
مع انهم اكتشفوه واكشفو طباعه واعترف لهم بضربي واا ذكرت لهم معاناتي مثلما ذكرتها للشيخ وذكروها لنا لم يذكرو للشيخ شي
واننا اجتمعنا بهم وهم لم يجتمعو
وهي رفضت مقابلته وله الحق
كيف له حق بعد كم شهر جاي يقابلني وينه قبل
وشروط وضعناها وهي
10 الالف ريال كتطييب لخاطرها واسترداد ذهبها عليها
واطلعنا على البيت ولم ينقصه سوا ستائر
البيت بالحقيقه وظاهريا فقط تنقصه جلسات وفرش ااطفالي واشياء لم يذكروها وبه اشيا انا ادرى بها
هم رفضو شروطي يوم قلتها لهم وقالو لي اطلعنا على احواله وماعنده شي والزواج كلفه كثير
قلت قدر يفتح بيت بشهرين وبافخم قاعه مو عاجز ينفذ شروطي
وهو بنفسه قال انا موافق على الشروط قبل ولكن شافهم ضدي رفضهن عند الشيخ و قبل بشروط اللجنه لأنها اخف
وانا شروطي
50 الف تعويض ماصابني من ضرر نفسي وضرب واهانه
ويغير لي بيتي باثاث جديد كامل
ويسترد ذهبي واسمي
ونفقه لي ولاطفالي شهريه مقدارها 2500
لاتشمل اكل ولا شرب لأنه قبل مايدفع يرفض ويدقق بنظافة الاطفال وترتيبهم
مع ان راتبه فوق العشره
وانه لايتعرضني بضرب وشتم وسب لي لاهلي ويتعهد بذلك
لي الحق اتواصل مع اهلي واقاربي
واهله لايتدخلون بي ولايجبرني بالاحتكاك بهم درئ للمشاكل وزوجته مالها دخل بي ولايسكنها بالقرب مني ولي الحق اواصل دراستي
قلت ياقاضي لم يعرفو معاناتي اللجنه وهم ماجو الاامس وانا معانااتي ماهي بيوم وليله معاناتي 8 سنين والا ماتطرقت للمحكمه اصلا لو هي خلافات سطحيه
والشيخ اخذ بكلام اللجنه قال شروطك يجيب بها بنت جديده ماتكتب الشروط مره لزوجها
هنا صعقت قاضي ويقول الكلام ذا ويغير كلامه
ماخلاني اتكلم يسكتني ويقول كلامك تعيدينه كم مره لاني ذكرت له المشاكل مو سطحيه وشروطي اصلاحات لأنه يوم ضربني ماحد عاقبه ولي ابو وعمان وخوال وقام يتمادى علي ويتحدى ويأتي للناس بوجه طيب وعندي بوجه اخر ويصور بيتي ويسجلني لفت الناس لي صارو يدققون بكل شي افعله يقولون زوجها ادرى لها وهو كاذب
وخبرته بذلك ولما يأست قلت احسم الامر والحكم ورفض الشيخ واجل الجلسه شهرين
المصيبه ان اهل زوجي وزوجي يمشون بين الناس ويقولون الشيخ مو قابل شروطها وبيرجعها بدون شروط وانها ناشز قبل الجلسه كلامهم ذا يعني الامر مدبر وعندهم علم بذلك وان الشيخ ماراح يقبل شروطي
المشكله ابوي رافض شروطي واعرف ليش رفضهن لان ابي مادي نوعا ما ومايحب المره تطلب الرجال فلوس اصلا يبيها تكد على نفسها ودايم يجيب لنا قصص حريم القديمات كيف يكدن على انفسهن
واصلا احد المصلحين يقول مالومها بشروطها لكن ماعنده ماديه عليه ديون وانا انسحبت هذا كلامه لاحد اقاربي بحكم معرفته به


والزوج لو ماعنده مو كل يوم ذبايح ومسوي له مجلس خارجي واثاث فخم للزوجه الجديده
هل هذا ظلم والا انا اتوهم حسبي الله على لجنة الاصلاح اللي ماقالو الحقيقه