حلا البسمة :

الجزء السادس: يوم الخميس كان يوم السفر لمكه المكرمه أبوزياد/ ها ياأم زياد عسى مانسيتوا شي؟ أم زياد/ لا والله كل شي كامل...بس متى بنمشي إن شاء الله؟ أبوزياد/ أبو بدر تو مكلم علي ويقول نص ساعة وأنا عندك أم زياد/ خير إن شاء الله... يلا يامي بسرعه مي/ زين يما... الحين جايه وبها اللحظة رن جرس الباب... أبوزياد/ هلا والله يابوبدر.... يلا توكلنا على الله وطلعوا العوائل مع بعض..... زياد/ غريب عمي وينه بدر أبوبدر/ والله بدر جاه تكليف مستعجل من العمل للشرقية .... أقول يابو زياد شرايك نترك البنات مع بعض علشان يستانسون أبو زياد/ ايه والله حتى مي مزعجتني من أول وتحركت السيارات وكانت بها الترتيب..... أبو زياد ومعه أم زياد وجوري أبو بدر ومعه أم بدر زياد معه خالد والبنات مي/ أقول زياد حبيبي ودنا بشي بارد زياد/ تونا طالعين من البيت.... انتظري شوي مي/ وين تونا طالعين لنا نص ساعه وبعدين البنات هم اللي يبون زياد/ آها .... زين طيب ووقف عند أقرب سوبر ماركت ونزل هو ويا خالد رنا/ بصراحه أحرجتينا مع زياد مي/ لاإحراج ولا شي .....يستاهل زيادوه لو قايلتله أنا اللي أبي كان ماوقف بس لك أنت وميلاف ماراح يقول شي ميلاف واللي كانت بعالم ثاني/ ها أحد ناداني وتضحك مي/ لاوالله بأي دوله الحين ميلاف/ وش اللي بأي دوله؟ رنا/ شكل الأخت مو معانا بالمرة... وقبل ماترد ميلاف رجع زياد وخالد زياد/ ميلاف خوذي هالأغراض لك( وكان مشتري لها بارد وشيبس وكاكاو) وأنت بعد يارنا وكانت نفس الأشياء مي/ لاوالله وأنا مو من العائلة زياد/ أنت قلت إن البنات اللي يبون رنا/ وبصوت واطي تستاهلين ماجاك مي/ خلودي حبيبي تهون عليك أختك حبيبتك؟ خالد/ والله ماتهونين علي يالغاليه بس أنت عارفه زياد أخوي الكبير ولازم أحترمه وأسمع كلامه وضحك الكل على أسلوب خالد بس في قلب كان يضحك وبنفس الوقت كان خايف يفقد هالروح الحلوه.....طبعا ميلاف مي/ طيب يعني كلكم تعاونتوا علي ويضحك زياد/ والله ماتهونين علي يابعد قلب أخوك ويلتفت علشان يعطيها الأغراض وتصادفت عيونه مع أحلى عيون شافها مي/ يابعد عمري ياأخوي....زيودي حبيبي شغل شريط نبي نسمع شي؟ زياد/ تامرين أمر وشغل زياد الشريط وكان أغاني.... مي/ طف...طف بسرعة... وطفى زياد المسجل... خير إن شاء الله مي/ الحين مسافرين مكه وتشغل أغاني... الله يهديك خالد/ وهي الصادقة زياد/ تصدقون مادريت إن الشريط اللي بالمسجل أغاني مي/ لاوالله عاش مصرف...بس يلا غير الشريط.. زياد/ إن شاء الله...وكملوا طريقهم ... وبمكان أخر وبمدينه جدة........... - يوه حبيبي خلاص ما بقى على موعدنا إلا أسبوع - أسبوع بنظري كثير... ياحبي إنت ماتدرين شلون أنا مشتاق لشوفتك - خلاص ياقلبي أنت صبرت كثير...أصبر هالأسبوع بس طق.........طق.......طق - لحظه حبيبي أشوف من على الباب - مين؟ - أنا ندى - نعم ياندى فيه شي؟ - أبيك بموضوع مهم؟ - بعدين أنا الحين مشغوله... وترجع لمكالمتها بدون ماتسمع ردها ( حتى ماكلفت نفسها تسألني وش الموضوع.... وبعدين شلون أقولها...... ياربي ليش مافكرت بها الشي يمكن تقول لأمي... ياربي ساعدني مادري وش أبي أسوي بها المصيبه) الجزء السابع: ميلاف/ وصلنا أخيرا تعبت رنا/ اللي يسمعك يقول أنت اللي تسوقين.. مسكين زياد هو اللي تعب مي/ تعب ها! كلها كم ساعة وتقولين تعب أم زياد/ يلا بنات تعالوا للغداء... قبل مايبرد رنا/ ايه والله جا بوقته ميته من الجوع وراحوا البنات يتغدون وطبعا كان الرجال بشقه مقابلة لشقة الحريم... بشقة الرجال... خالد/ يبا متى نروح الحرم ؟ ابو زياد/ الحين نبي نرتاح والمغرب إن شاء الله ننزل جميع خالد/ إن شاء الله عن إذنكم أبي أروح أنام أبو زياد/ ما تبي غداء ؟ خالد/ بالعافية عليكم أنا ماأشتهي أبوبدر/ وش سويت وأنا أخوك بالنسبه لخالد...... تبي تستأصلون المرارة وإلا شلون أبو زياد/ والله خالد مارضى يقول كل شي بيد رب العباد ويخاف إذا استأصلها ينتشر المرض بمكان ثاني وكمان يستأصلونه وبكذا راح يتعب أبو بدر/ معه حق الله يشفيه إن شاء الله لكم أبو زياد+ زياد/ آمييييين ونام الكل من التعب لحد أذان المغرب.... .............................. خالد/ يلا يبا نبي نتأخر ... أبو زياد/ زين ياولدي.... اتصل على الأهل يتجهزون خالد/ خلاص جاهزين ينتظرونا عند الباب أم بدر/ يلا ننزل أبو بدر/ خلاص ونزلوا مع بعض.... اسمعوا الحرم قدام العمارة ومتى ماخلصتوا ارجعوا للشقة لاتنتظرونا زين الكل/ زين... ولما وصلوا الحرم تفرقوا أول مادخل خالد الحرم سجد وجلس يبكي وكان بكاه يقطع القلب وتأثروا اللي حوله بصوت بكاه اللي كل شوي يزيد نحيبه ( لو تتخيلون الموقف شلون كان مؤثر للكل.... دموع وأصوات نحيب وبها المكان الروحاني كان شي مؤثر فعلا) أبوبدر/ وأنا أخوك أمسح دموعك أنت وخالد الحين تقام الصلاة.... وقامت الصلاة وصلى الجميع وجلسوا بالحرم حتى أذان العشاء وبعدها رجعوا للشقة ما عادا خالد اللي حاس براحة كبيرة وطمأنينة ففضل إنه يجلس بنفس التوقيت إحساسان مختلفان بمدينتين ...... إحساس الراحة والطمأنينة وإحساس الخوف والرهبة من المستقبل.... ندى واللي كانت سرحانة بحالها وحياتها الحزينــــــــة..... أم ندى/ ها يما وش قلتي؟ ندى/ في وشو يما؟ أم ندى/ شكلك مو معي... بعزيمة أم راكان بتروحين معنا؟ ندى/ لا يما مو رايحة أحس إني تعبانة؟ أم ندى/ بس كذا راح تزعل وهي ملزمة علي تجون كلكم ندى/ معليش يما أعتذري منها صدقيني ماأقدر (طبعا ندى كانت مصرة تنفذ اللي براسها لأن هذا أخر حل عندها) أم ندى/ براحتك بس يمكن نتأخر ندى/ عادي أصلا يمكن أنام وطلعت أم ندى وبناتها وطبعا أم رائد وبناتها لأنهم معزومين وكانت الساعة 7 مساء ولما خلى البيت وتأكدت ندى من خروج الجميع قررت إنها تنفذ خطتها (تماسكي ياندى هذا هو الحل الوحيد علشان تنقذي سمعة أهلك) وضغطت على الأرقام بصعوبة...... ********************************* ميلاف/ يالله أحس براحة وأنا بها المكان رنا/ هذا شي طبيعي لأنك بمكة أم بدر/ ها بنات ماودكم تنامون؟ ميلاف/ لايما ودنا نسهر شوي..... أم بدر/ زين تصبحون على خير رنا+ميلاف+مي/ وأنت من أهله رنا/ أقول ميمي نفسي بأيسكريم..... ليش ماتتصلين على خالد يشتري لنا مي/ وليش ماتتصلين أنت على بدر؟ رنا/ يالغبية بدر وينه ماجاء معنا مي/ ايه والله نسيت... وبعدين لاتقولين غبية ترى مااتصل ميلاف/ أوووف عاد لاتذلين أختي وتضم رنا ميلاف/ عاشت والله أختي الغالية مي/ أول شي تكلموا بأدب معي وبعدين أفكر أكلم خالد رنا/ لو سمحت ياأخت مي كلمي أخوك المصون خالد مي/ كذا الأسلوب وإلا بلاش...خلاص الحين أكلم خلودي ************************************************** ****** - رائد - ايه ..... من معي؟ - أنا أنا... وسكتت - أنت مين؟ بسرعه تكلمي أنا مو فاضي - أنا ندى - ندى مين؟ - ليش كم تعرف ندى.... وسكتت وهي ماتدري ليش سألت هالسؤال - ندى! خير فيه شي(طبعا عرفها من صوتها) ندى(وبكل شجاعة)/ رائد أبيك الحين بموضوع مهم رائد/ الحين... بس أتوقع مافي أحد بالبيت غيرك شلون طيب؟ ندى/ شلون! بنفس الطريقة اللي جيت فيها زمان سكت رائد/ أوكي... خمس دقائق وأنا عندك وفعلا وصل رائد مثل ماطلبت منه ندى...... - ندى...ندى...ندى - هلا رائد( وكان هذا طبعا أول حوار بينهم بعد اللي صار لأن ندى كانت تتجنب الكلام معاه) رائد/ خير ياندى فيه شي خوفتيني؟ ندى/ يهمك تعرف؟ رائد/ الحين تقولين موضوع مهم وبسرعة وبالأخير تقولين يهمك... طبعا يهمني.... ندى/ حلو...يعني عندك استعداد تسمعني بس أرجوك اسمعني للأخر..... تقدم لخطبتي واحد وما عليه كلام وأمي مصره إني أوافق واللي أشوفه إن ماعندك أي مبادرة ناحيتي ... رائد/ مبادرة.... وشو؟؟ ندى/ وشو...يعني أنت مو فاهم وش أقصد؟؟ رائد/ اللي فهمته إنه متقدم لك واحد ما شاء الله عليه وهذا شي طيب وأنا من ناحيتي أقولك ألف مبروك وحاولت ندى تكون هاديه/ ألف مبروك.... يعني تتوقع إني متصله عليك بها الوقت علشان أسمع منك هالكلمه.... رائد أتوقع إنك فاهم وش أقصد....إذا تتذكر قبل خمس سنوات وش قلت لي....قلت إنك تحبني ومستحيل تتخلى عني وأنا انتظرت طول هالفترة وصبرت على الآلام اللي بصدري وبعد هذا كله تقولي بكل بساطه ألف مبروك رائد أرجوك لاتخذلني ولا تخذل عمتك وأهلك,,,, أنا عرضك يارائد عارف وش يعني عرضك رائد/ يعني بعد كل هالمقدمات ,,,,تبيني أتزوجك أسف ماعندي استعداد للزواج - مو مشكله أنتظرك لو أخر يوم بعمري بس أنت تقدم أخطبني علشان أمي تصرف نظر عن الخاطب - لاياعمري أنا مو مستعد للزواج منك أنت بالذات وحده سلمت نفسها بسهوله مره تقدر تتنازل عنها ألف مره ندى( وبصوت عالي)/ أرجوك لاتجرحني أنت عارف إن هالشي خارج عن إرادتي أنا لاكنت بعمر ولاحالة تسمحلي أفكر و...... رائد/ خلاص لاتكملين زواج ماراح أتزوجك وهذي مشكلتك وحليها بعيد عني...عن إذنك ندى/ الله يخليك رائد اسمعني بس شوي... رائد/ نعم بسرعة أنا مستعجل - أبي منك بس أخر كلمه بتتزوجني وإلا لا؟ - لا ياندى هالموضوع انسيه تماما - زين ياولد خالي .... ياحافظ عرضي بس رح الله لايسامحك دنيا وأخره وإن شاء الله تشوفها بأقرب الناس لك وماقدرت تكمل لأن دموعها سبقتها وصعدت غرفتها رائد واللي انصدم من كلامها طلع بسرعة وحرك سيارته بدون مايدري لأي مكان رايح الجزء الثامن: يووووه ياندى أفتحي الباب بسرعة كانت هدى تطق الباب وتصارخ على ندى ولكن لاحياه لمن تنادي.... أم ندى/ خير ياهدى وش فيه؟ هدى/ ندى يما موراضية تفتح الباب من أول أطق عليها بس مافي أمل - يعني أنت موعارفة ندى ونومها الثقيل...عبير يما روحي لخالتك وخوذي منها مفتاح الغرفة الثاني - عبير/ زين يما,,,,, هذا هو وتفتح أم ندى الباب..... وتصرخ صرخة أجتمع عليها كل اللي بالبيت - يما بنيتي ردي علي...ندى عبدالعزيز/ بسرعة هدى اتصلي على الإسعاف ( شكل ندى كان موطبيعي وجهها مره أبيض شاحب وشفا يفها زرقاء وجنبها مجموعة من الأدوية) وفي ظرف دقائق كان الكل بالمستشفى ينتظرون الدكتور أم رائد/ خلاص يادلال هدي نفسك مايصير كذا على الأقل تماسكي قدام البنات شوفي حالتهم وشلون .....هدى وعبير حالتهم حاله من البكاء والخوف على مصير أختهم المجهول ويطلع الدكتور من عند ندى.... عبدالعزيز/ بشر يادكتور الدكتور/ أنت أبوها عبدالعزيز/ أبوها متوفي وأنا خالها د/ طيب تفضل معي أم ندى/ بنتي فيها شي د/ اتطمني ياخاله إن شاء الله مافي شي بس ودي نتكلم ببعض الأمور اللي تخص الحادث أم ندى/ حادث!!!! - طبعا حادث... الانتحار يعتبر جريمة بحق النفس والدين ولازم نتكلم بها الخصوص وممكن تتفضلين معانا ياأم ندى إذا حابه - عبدالعزيز/ خلاص... فرح اتصلي برائد وروحوا البيت وأنا وعمتك بعد ماننتهي راح نلحقكم - تأمر يبا... **************************************** الدكتور/ أسمع ياأخ عبدالعزيز مثل ماقلتلك ندى حاولت تنتحر وأخذت كمية من الأدوية اللي بطبيعة الحال تختلف عن بعض وهذا الشي سبب لها هيجان واضطرابات بالمعدة ودخلت بغيبوبة مؤقته أم ندى/ مؤقته وش يعني؟؟؟؟ الدكتور/ يعني.... إذا ربي أراد احتمال تصحى واحتمال تبقى على ماهي عليه.... واحتمال لاقدر الله تتوفى وكله بيد رب العالمين عبد العزيز/ والنعم بالله ................... - مستشفى... خير إن شاء الله فرح/ أنت تعال وبعدين أقولك كل شي بس بسرعة الله يعافيك رائد/ زين مسافة الطريق رائد/ إنتحار!!! أم رائد/ إيه الله يبعد عنا هالمصايب بنات الأيام هذي مدري وش وراهم عبير/ لاتتكلمين عن أختي بهالطريقة فرح/ احترمي نفسك وتكلمي مع أمي بأدب... أصلا لو أختك مو مسويه شي غلط كان ما حاولت تنتحر هدى/ أختي أشرف منك ومتربية أحسن تربية فرح/ متربية...ضحكتيني والله ويقاطعها رائد..... خلاص ماأبي اسمع ولاصوت.... وحس بداخله بشعور غريب مايدري شعور بالذنب وإلا شفقة..... عبدالعزيز/ تحقيق.... تكفى يادكتور إنا مو حمل هالمشاكل الدكتور/ بس هذي مسؤولية أم ندى/ الله يخليك يادكتور والله صعبة لو دروا أعمامها ماراح يخلوني بحالي الدكتور/ حاليا ماراح أسوي أي إجراء حتى تصحى ندى ولكل حادث حديث عبدالعزيز/ الله يجزاك خير يادكتور ويارب يطمنا على ندى. أم ندى/ أميييين الله يسمع منك ومرت هالليلة صعبه على الكل.... أم ندى/ اللي خايفه على بنتها وإنها لاقدر الله راح تفقدها شعور ماتقدر تتصوره عبير وهدى/ وخوفهم على أختهم وحبيبتهم ندى.... رائد/ كان حاس إن بشعور فضيع بالذنب ويتمنى إن الزمن يرجع ويصحح كل أخطائه

الجزء السادس: يوم الخميس كان يوم السفر لمكه المكرمه أبوزياد/ ها ياأم زياد عسى مانسيتوا شي؟ أم...