حكم تبديل أدوية التأمين الصحي

السلام عليكم ورحمه الله وبركاته

من كام يوم حصلت مشكله بيني وبين زوجي بسبب موضوع حابه انكو تساعدوني فيه

بس بالله عليكم مش عاوزا حد يرد اي رد

لاني قلت مفيش غير اخواتي اللي هيساعدوني احل المشكله دي

انا كتبت الموضوع هنا لانو متعلق بفتوي ولو مش مكانو صحيح بالله عليكو حد يعرضو ىعلي شيخ ويرد عليا ضروري

الحكايه ان زوجي عندو صيدليه

وفي زباين كتير بيجيبو ادويه تبع التامين او علاج اقتصادي او بيجيبوه من الشركات اللي بيشتغلو فيها

وييجو يبدلوه من عندنا بادويه تانيه

زوجي كان معترض وبيرفض انو يبدل ادويه

وقالي ان الشركات دي متعاقده مع المرضي اللي عندهم ادويه مزمنه زي القلب والسكر والضغط

مينفعش المريض ياخود علاج بزياده وييجي يبدول بشامبو وكريم وحاجات ملهاش لازمه

مع العلم ان ف ناس تانيا بتبدل الادويه دي بادويه تانيه

يعني مثلا الزوج بيجيب دوا مش محتاجو ويبدلو بدوا تاني مثلا مراتو هيا اللي محتاجاه

لكن زوجيي بيقولو هوا متعاقد مع الركه يجيب دوا لنفسو مش لمراتو

وزوجي بردو بيرفض يبدل الادويه بادويه تانيه

--------------

دي مقدمه وادخل فالمموضوع

والدي جاب لنا دوا قلب وعاوز يبدلو بدوا سكر لوالدتي

وزوجي رافض وقالي لاه

انا مش عارفا اعمل ايه

مش هينفع ازعل والدي واقولو اننا مش بنبدل ادويه عشان حرام

-----------

بس في نفس الوقت بقول طيب مهي الشركه مديا لوالدي الدوا ومش شارطه عليه يعمل فيه ايه

هوا حر يبيعو يوزعو

لكن زوجي رافض انا مش عارفا

ياتري هوا فعلا حرام التبديل دا ولا عادي مادام الادويه بتعود بالنفع علي اسره المشنرك

بالله عليكو ساعدوني ضروري