آنسة منشن الله يجزاك خير ويسعدك ويثبتنا وياك لاتتنرفزين خليك حليمة ياقلبي
أكيد حنا ودنا بالستر والاصلاح وهذا مايجي الا بالدعوة الصادقة والحلم والأناة
وأنا معك لكن خلينا نتعامل مع الجميع بالقول اللين الهين الحسن لعل وعسى نكسب أجرهم
ولاتخلين بعض البنات الله يهديهم يعصبونك خلينا نطبق ماقال الله وقال رسوله في أفعالنا وأقوالنا ومظهرنا
وعلينا الدعوة والصبر عليها وهم لهم عقول وكبار ويفهمون المهم برأنا ذمتنا والله يهدينا ويهديهم
الى مايحبه الله ويرضاه

^
تسلمين حبيبتي ماقصرتي والله ..

نفسي اشوف عبيكم ياللي تنادون بعباية الراس هل هي العبي القديمه حقت جداتنا زمان الواسعه الفضفاضه اللي مالها قصة كم ولا اكمام اللي تجي خيط باصبع الابهام هذي ترى عباية الراس الساتره المفروض تلبسونها اما اذا كانت من الموديلات الجديده حتى انتم اتمنى تغيرونها للعبي القديمه

اما والله اذا كانت عباية الكتف واسعه مخيطه من قدام وطرحه طويله وساتره اهم شي ساتره ومافيها زينه وكرستالات وبراقع ودنيا مقلوبه لان والله اشوف بنات لابسات عبي راس مخصره ورفعه بالراس مترين فوق وبرقع وقصة كم وكرستالات وتقول عباتي ساتره عشان بس على الراس واللي براسها شي مايردها لاعباية راس ولاكتف

وقد ورد سؤال إلى اللجنة الدائمة هذا نصه :


فقد انتشر في الآونة الأخيرة عباءة مفصلة على الجسم وضيقة وتتكون من طبقتين خفيفتين من قماش الكريب ولها كم واسع وبها فصوص وتطريز وهي توضع على الكتف .. فما حكم الشرع في مثل هذه العباءة ؟ أفتونا مأجورين


وبعد دراسة اللجنة للاستفتاء أجابت بأن العباءة الشرعية للمرأة وهي : هي ما تحقق فيها قصد الشارع من كمال الستر والبعد عن الفتنة ، وبناء على ذلك فلا بد لعباءة المرأة أن


تتوفر فيها الأوصاف الآتية :


أولاً : أن تكون سميكة لا تظهر ما تحتها ، ولا يكون لها خاصية الالتصاق .


ثانياً : أن تكون ساترة لجميع الجسم ، واسعة لا تبدي
تقاطيعه .


ثالثاً : أن تكون مفتوحة من الأمام فقط ، وتكون فتحة الأكمام ضيقة .


رابعاً : ألاّ يكون فيها زينة تلفت إليها الأنظار ، وعليه فلا بد أن تخلو من الرسوم والزخارف والكتابات والعلامات .


خامساً : ألاّ تكون مشابهة للباس الكافرات أو الرجال .


سادساً : أن توضع العباءة على هامة الرأس ابتداءً .



وعلى ما تقدم فإن العباءة المذكورة في السؤال ليست عباءة شرعية للمرأة فلا يجوز لبسها لعدم توافر الشروط الواجبة فيها


ولا لبس غيرها من العباءات التي لم تتوافر فيها الشروط الواجبة ، ولا يجوز كذلك استيرادها ولا تصنيعها ولا بيعها وترويجها بين المسلمين لأن ذلك من التعاون على الإثم والعدوان والله جل وعلا


يقول : ( ولا تعاونوا على الإثم والعدوان واتقوا الله إن الله شديد العقاب ) ، واللجنة إذ تبين ذلك فإنها توصي نساء المؤمنين بتقوى الله تعالى والتزام الستر الكامل للجسم بالجلباب والخمار عن الرجال الأجانب طاعة لله تعالى ولرسوله صلى الله عليه وسلم وبعداً عن أسباب الفتنة والافتتان . وبالله التوفيق .

وصلى الله على نبينا محمد وآله وصحبه وسلم