الحل اذا جيتي تنومين اساليه وريحي راسك تبي شي ولالا

اريحلك ماتنومين وهو يبي شي عاد الجنس مقدس عندهم


كذا اريح لك من تانيب الضمير وبعدها نامي بعد انتي بشر ولك طاقه


كنه اذا جاه النوم استاذن منك والاطق لك خبر


اناني الرجل الا من رحم ربي

انا ماراح أفتي بس انتي زي وحده أعرفها كذا طبيعه جسمها ماتقدر تقاوم النوم سبحان الله


وعشان ترتاحي اساليه وخلاص اذا يبغى شي أو لا؟؟


طيب واذا صحاكي ماتصحي بعد ماتنامي أنااعادي يصحيني اذا مره مثلا كنت تعبانه ونمت عادي يعني مابينا رسميات

زوجك انااااااني انا نفس حالتك صدفت عندي مرتين بالفتره الأخيرة انام بدون مااحس وعارفه ان يبي شي بس خلاص يجي اذا حسيت عليه وبصحى مايرضا مع اني ماتعمقت بالنوم بس يحس ان اللي قدامه بشر وتتعب ولازم يعذرك
والا نظمي نوم عيالك يكون بدري وشوفي شعنده حظرته خلصي منه وتلحقين ع النوم بدري بعد

هو ماله إلا حقه الشرعي...لاتحرمينه من حقه واعطيه..وله حق يزعل إذا رفضتي او تهاونتي..وهذا الشي اللي تلعنك بسببه الملائكة
لكن النوووم...النوم سلطان مالك يد فيه ...كونك نمتي قبله...مب ذنبك
فلنفترض ان زوجك من اللي يحبون السهر وزعل منك...انتي ايش ذنبك في شي مالك سيطرة عليه...فبالتالي زعل ولا مازعل...الله لايكلف نفسا إلا وسعها..

لكن حاولي تخصصين لك يومين بالاسبوع ع الاقل تسهرين معه بروحكم بدون الاطفال

انتي انسانه عاقله تصدقي مثل هالكلام ؟ تلعنك مره وحده لانك ماسهرتي مع هالمريض

وغريبه يعني الملائكه ماتلعن الزوج الي نام عن زوجته وهي زعلانه وحارمها حقوقها ......ملائكه عنصريين هذولا


اتقي الله في نفسك انتي انسان ولك طاقه محدده نامي وقت مانتهت طاقتك واصحي بكيفك لاتعلقي نومك وصحيانك ودينك بزوجك لي متى وحنا نعلمكم حقوقكم شوي وتعبد\وهم حرام عليكم ايش هالاحاديث الموضوعه وتلعنك ماتلعنك وكلها تصب لصالح الرجال الظلمه والمسكينه تلعن بعد يوم طويل متعب مع الابناء والزوج واهل الزوج عمل مايقدر يقوم بربعه الزوج الي تحبه الملائكه وتلعن زوجته سبحان الله


اوعوا ياعالم اوعوا الناس وصلوا القمر واخترعوا الذره وانتوا متعلقين بقدم ازواجكم تتوسلون رضاهم وهم جايين من الاستراحه غازلوا لين طلع من خشمهم ومقاطع وصخه وبخل على الزوجه والعيال ونووم طول اليوم ونفس خايسه واخر الليل تلعني انا الملائكه وهو تصفق له


الحمدلله والشكر الله بيسألكم يوم القيامه عن النعمه الي وهبكم اياها وماستخدمتوها وحطمتوا حياتكم .....العقل


....العقل ياعبدة الرجال