حكيمات المنتدى والمطلقات والمعلقات شوروا علي(زوج مزواج وبخيل وسليط لسان)

السلام عليكم ورحمة الله وبركاته
صباح الخير

الزبده..
زوجي مزوااااج
تزوج الثالثه ومادريت الا قريب
الناس كلها تدري الا انا
لما اروح عند ناس ويقولوا كم متزوج اقولهم بس وحده يعني انا والثانيه يقولوا بس؟؟
وهم عارفين بس يبغوا يعرفوا ان عندي خبر او لا
وقد نظر كم مره لبنات يبغى الرابعه ولسه ماحصل السندريلا
مدري ايش يبغى

وفوق هذا كله لوقلت له نبغى كذا اواشترى كذا اوحتى حاجه عطلانه نبغاه يصلحها او اذا نبغى نتمشى...الخ ماتسمعي الا صراخه ويطلق ساقه للريح
باختصار البيت للنوم والاكل فقط
تعبت جدا من حبه لنفسه واهماله لنا
يعطيني كل شهر مصروف(طبعا بعد مشاكل وبعد مادخلت اهلي في الموضوع لانه مايحب يعطي لواقوله اعطني ريال كاني ادعي عليه بالموت ووممكن ينقص مايزيد هالمصروف )ويبغاني اشتري كل شيء منه حتى الاكل مثلا لو كتبت له اغراض البيت الناقصه ومن ضمنها شيء خاص لي يقول لي ماحصلت واحيانا بصريح العباره اشتري من فلوسك
ولوعندي مناسبه عرس اوعيد مستحيل يزيد مصروفي الا بعدما يسمعني اقسى كلام
حتى عياله مايعطيهم الا مصروف المدرسه واذا احد اخذ من المصروف شيء للعصريه او اي وقت رغبوا يشتروا شيء يصارخ وممكن يحرمهم
علما انه مقتدر ماديا الحمدلله
حتى الشغاله رافض يجيب لي

لو انه بس محترم معايه ويحبنا ويخاف علينا ماهتميت
او حتى لو عياله بس مهتم فيهم كان مشيت اموري
احيانا امشيهم ياقلبي من هالمصروف الي يطلع من غير نفس
وكلها اسبوع ويتبخر

المهم..
انا افكر جديا بالانفصال سواء يطلقني اويعلقني مايهمني المهم ارتاح نفسيا منه
وحتى مايقولوا لي ليش زوجك مايعطيك وليش زوجك مايبني لك بيت اكبر وليش وليش
وحتى عيالي ممكن يرتاحوا من كثر مشاكلنا
**بس كيف اطرده من البيت
صعب اروح عند اهلي تعبوا اهلي من كثر مشاكلي
قد قلتله اطلع برا وماطلع
**وكيف ادبر نفسي ابغى اعرف ايش الي ممكن يواجهني علشان اكون مستعده
علما اني لايوجد لي اي مصدر دخل