حكيمات عالم حوا شورو علي

السلام عليكم ورحمة الله وبركاته
في البدايه احب اشكر صاحبة المعرف اللي سمحتلي اكتب قصتي ودلتني عليكم وان شاء الله الاقي الرأي السديد عندكم
انا قصتي بدأت من ليلة دخلتي وراح الخص لكم حكايتي في نقاط
1- تزوجت قريب لي يعني من العيله
عمري صغير بحدود 16 سنه وقت زواجي
2-ليلة دخلتي دخل علي زوجي بس مانزل معي دم نزلت افرازات صفرا
وهنا بدا عذابي ماصدقني وسال اخوه وامه
وعدت الايام وحلفني عالمصحف انه ماحد لمسني غيره وانا فعلا الله شاهد علي هو اول رجل في حياتي بدا الشك والنكد منعني من اشياء كثير حتى لبس العبايه فرضه علي بطريقه معينه صار يكسر اي جوال معي ولابتوبي واشياء كثير
3- اكتشفت خيانته لي وكذبه علي وعلاقة مع انسانه ثانيه ماشفت اوقح منها
واجهته ووعدني انه ماراح يعيدها وانه تاب عن هالكلام
بس طلع كذاب وواجهته ثاني وقالي انها من قبل لا يتزوجني والانسانه هذي مغيرته علي بشكل كبير حتى انه مايناضر فيني ومايعاملني زين بسببها
واكثر من مره يكذب علي يقولي انها من ايام العزوبيه وهي ماسكه عليه صور بس هو تاب وهايف من هالصور ولازم يسايسها لين يجيب الصور
وكذب علي انه متفق مع الهيئه وانه بيروح لها ويمسكونها الهيئه لانه مهددته بالسحر
وادق عليه وقت ماراح عندها انا خليته يروح بحسن نيه
ودقيت على جواله ردت هي
وبعدين قلي سوي نفسك انك غلطانه ومشيت معه على هالاسلوب وتلفظت علي بالفاظ بذئيه وهويسمع ولاقال كلمه يدافع عني
ورجعلي البيت وقالي خلاص افتكيت منها وماعاد تديني بشي
وخلاص انا قطعت علاقتي فيها وراح نبدا صفحه جديده
انا على نياتي صدقت ولاني صغيره في سني مشت علي
ومع الايام ربي فضحه قدامي انه انسان كاذب وباقي على ماهو عليه يكلمها ومبسوط بطريقه الي هو عليه
وقالي انها اهي الي مزعجته واهو كاذب هو الي وراها ويقولها سمعته ابذني يقولها حياتي معك انتي واني انا عاملتله سحر وان اهلي مشعوذين وانا زباله
وبعد ماخلص مكالمته جاني وانصدم اني سمعته وارتبك وبان عليه
وطبعا انكر
وفي ليلة دقت في الليل وهو نايم وانا عارفه رقمها مسجلها باسم رجال ورديت عليها وصار بينا كلام وقالتلي ترى زوجك اللي يجري وراي
وقام اليوم الثاني سبب لي مشاكل وحاول انه يمد يده علي عشانها وفعلا مد يده علي واعطاني كف
واهله وقفو معي
نسيت اقول طلقني طلقه وانا حامل بسبتها وجلسو اهله يراضوني
ومره قالي انا بسافر مهمه لشقيق لانه دوامه سفرات ومهمهات مع العسكريه
وتفاجئت انه راح عندها والصدمه الاقوى انها ردة على جواله وهو نايم عندها طبعا هي موزوجته وانا متاكده من هالشي
وسكت وصبرت كله عشان ولدي مو عشان احد مع انه يطلع مع اصحابه واخوانه ومايرجع الا اليوم الثاني بحجة انهم يتمشون في البر
4- بخيل مره علي وعلى ولج مايعطيني الا بهواش والكل يدري
5-اتهمني في شرفي وعرضي وسب اهلي اتهمني بالظلم
6معاملته لي زفت قدام الكل
احرجني حتى مع اهلي وقالهم ما ابيها احس بنظرا
ويقولي لوله احسن منك يقصد اللي يكلمها
ت كرهه لي
'انحاليا لي اسبوعين عند اهلي وعارفين عن المشاكل بس مو كلها
امي رافضه تمام اني ارجعله
وتقول انتي وولدك في عيوني وماراح يقصر عليكم شي
واغلب اخواني قالو كذا
انا صغيرتهم واخر العنقود وكنت مدلله في بيت اهلي
وذقت الاهانه مع زوجي
وماقلت لاهلي عن الطلقه ومدت اليد
قولولي وش اسوي
اخبر اهلي باللي حاصل كله والا وش اعمل
هل الطلاق لي راحه او استمر
والله محتاره
اشكركم ودعواتكم لي