حلآ الأوريـو والمالتيزرز .. يمي يمي يجنن
السلآم عليكم ..
صبآحكم ’, مساؤكم ورد وجـوري وياسمين ..
جايبتلكم اليووم حلى وـااوز ..
سهل وسريع ما يحتاج فرن وخرابيط ..
يفك وقت الأزمااات ..
ينفع لعزيمـة بس ما تكون رسميـة وطبعا ملطووش
نبدآ
••••
2 او 3 بسكويت اوريو
كرتون كيك يمامه فانيلا " أو أي باوند كيك "
2 كوب حليب بودره محموس
1 كوب حليب سايل (حليب ابو قوس يوفي بالغرض)
نصف زبده
1 قشطه
2 كيس مالتيزر
1 ونصف نصف علبه حليب مركز
8 او 10 حبه جبن كيري
للتزيين : هرشي .. شوكلاته بودره ..
••••
الطريقـه ~
نقطع الكيك شرحات بشكل طولي ونصفه بالصينيه بهالطريقه ..
بعدين تجيبي بسكويت الاوريو وتفككيه وتغمّسيه بالحليب وتحطّيه على الكيك بشكل متفرّق .. تقريبا على كل حبتين كيك حبتين اوريو ..
ثم نحط بالخلآط :
الحليب المحموس مع الزبده .. والقشطه
تخلطيهم مع بعض واذا طلع لك الخليط ثقيل ومامشى معك تقدري تحطي عليه من الحليب السايل شوي عشان يمشي معاك
و
تصبيه بالصينينه فوق الاوريو .. ونصف عليها حبات المالتيزرز ..
وبعدها تحطّي بالخلاط النستله مع جبن الكيري وتحطيه بالصينيه بشكل خطوط متوآزيه ..
ثم تجيبي الهرشي وتحطيه بشكل عكسي وتحطي بودرة الشوكلاته بشكل بسيط كذا وتحطّيه بالفريزر او الثلاجه عشان يسهل عليك تقطيعه بعد ماتطلعيه ..
وهذي صورة نهائيـه ..
••••
إن شاء الله عجبكم .. وهالله هالله بالردود <~~ لا يكثر بس
الفلة الانيقة @alfl_alanyk
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
تسلم الايادي