السلام عليكم ورحمة الله وبركاته
يسعدلي مساكم ياصقيقاتي
معكم حلآ نجد >>>> احلفي
المهم يابنات اليوم بتكلم عن المجتمع الحنون الدافي
اللي اذا انجرحتي قامو يحطون ملح على جروحكــ ويرقصون
طبعا مايرقصون قدامك لالالا اذا راحو لبيتهم يشغلون موضي و يرقصون >>>>> ههههه قولي قاااااااء
كلامي موجه للي تموت على الاسئله
وتصير تحتضر لو يفوتها خبرررر
لازم ينعشونها بخبررر جديد حتى تعود للحياة
والا تصير من اعداد الموتى
من تشوف احد قدامهااا تستلمهم بالاسئله
ومن حماسهاااا مايمديها تاخذ نفس
واذا توكلت على الله وقالت بوقف اسأله و باخذ نفس
تشفط المخده وهي ترد النفس وتغص فيها بعد
الحلقه الاولى ....
اول شي بتكلم عن المطلقه
تفقد حبيبها وتحس ان الدنيا وقفت يوم تطلقت
تبكي .......
تتذكر ........
تتقلب على فراشها تبي النوم
بس ابى النوم ورفض ان يأتي >>>> اوف خطيره انا مدري شلون جت معي
((( انطمي وكملي موضوعكــ ))
اوه صح نرجع للمطلقه
تتحسر على ايامهااا وتتذكر تفاصيلهااا
وبعد فتره تبدى ترجع للحياة
ويرجع قلبها ينبضضض :27:
وتصير تقول بنفسهاااا
انا بعز شبابي ليش انكد على عمري وافقد صحتي
ويصير شعارهااا سنضل صاااااااامدون <<<< متعوب عليها هالجمله صفقولي
وبيوم اغبر وفيه عجاج مخلوط ب ضبااااب مع قطرات مطر >>>> كيفي خلوني اتخيل
تجي هالمطلقه تكشخ وتلبس ياحياتي عندهم عزيمه
وتروح وتدخل كلها ثقه وتجلس تفسخ عبايتهااا
وفيه وحده باخر المجلس من نمونت اللي تحب الاسئله
تطالعها وتقول بقلبهاااا لقيت فريسه
تنتظر بس هالمطلقه تفسخ عباتها حتى تستلمهاااا
وقبل لا تحط المطلقه ذاك سشــــــمه على الكنب
وقبل لاتوازن جلستـــــــــــها
تجي هالملقوفه قدام الناس وتسال المطلقه مثلا عن عيالهاااا...
متى يروحون لابوهم ؟؟؟؟
يكلمون ابوهم والا لا ؟؟؟؟
ينامون عند ابوهم ؟؟؟
ابوهم يرسل مصروف؟؟؟
واهي كانها بمحكمه تردين ب ايه او لا او الله يعين >>> تبيها تسكت بس ماحولك احد
طيب انتي يلي تسالين يوم الله بلاك باسئله غبيه ومالك دخل فيها
اسالي بس مو قدام الناس
خلي فيك نتفة احساس
والا تجي تسالك وش اسباب الطلاق؟؟
وماحاولتوا تصلحون ؟؟
طيب وش موقف اهله ؟؟؟
طيب روحو لشيخ يقرا ؟؟؟
تسوي ان قلبها عليك وهي تحرق قلبها باسئله مأخوذ خيرهااا
يحسبونها تطلقت خلاص احساسها تجاه طليقها مات >>> بيضل حي وينبض لين يجي بديل له (( قلب الانثي ))
وعادي تسال عنه كانها تسال عن واحد من عيالك
طبعا كل منا مر بضروف متعبه
كـ تاخر بالزواج او تاخر بالحمل او طلاق او او او
وان قلتي بنسى جررررررحي وبعيش مع الناس
يجون هالناس ويرجعونك لورى بفضولهم واسالتهم وتجريحهم
الحلقه الثانيـــــــــه
مثلا تجيك وحده متاخره بالحمل سنين
ثمممم تجي وحده من الفئه المذكوره اعلاه
وفيها نوع من اللقافه اللي مخلوطه بفهاوه
وتسال هلي متاخره بالحمل
المفهيه تسال..... وراك للحين ماحملتي ... تستخدمين مانع والا من الله؟؟؟
المتاخره ترد وهي تتجرع الاسى .... لا والله من الله
بعدين تسال المفهيه...... ورااااااااااه طيب روحو راجعوا
>>> تكفون عطوها برائة اختراع
يقالها جابت شي جديد
طيري عن مخي تكفين يا برفسورة زمانك
مادرت ان هالمتاخره ماخلت مستشفى مادخلته
ترد المتاخره وقلبها يبكي ...... بـــ الله يعين والحمد لله على كل حال >>> يعني تبيها تسكت
تدرررعم المفهيه وتفجر القنبله >>>> طيب المشكله منك والا من زوجك !!!!
وتبدا تنشب بحلقها وكانها تستجوبها
طيب اهلك وش موقفهم ؟؟؟ واهله وش موقفهم ؟؟؟؟
واذا صار العيب من الزوج تسالهااا ...... تفكرين بالطلاق؟؟؟
واذا صار العيب من الزوجه تسالها.... طيب يفكر يتزوج عليك ؟؟
>>> فكوني عليها بطب ببطنها ذابحتها ذابحتها
ياااااااااربي ارحمي قلبها ارحمي حرمانها ارحمي ضعفها ارحمي شعورهااا
ثمممممم اخر شي يقالي تبي تبرد عليها
تقولها والله ان البزران غثى يقالي بتواسيها
بس اتوقع انها بعد اسالتك مايبيلها مواسات
يبيلها جراحه للقلب لانه نزف من اسئلتك
وترميم بالكبد لانها تقطعت من جراء فضولك
وتسليك للقناة الدمعيه لان دموعها تحجرت فيها
وتروح المفهيه وهي تدربي كرشتها تضحك ماتدري انها خلفت وراها اشلاء لانسانه انجرحت
تحبس دمووووعهاااا لحد يحسسس
بس قلبها غرق بالدموع
ياكثر المجروحين بهالدنياااا
بسسسس ياعالم لاتزيدون جروحهم بالاسئله الغبيه
لكن صدق من قال
لا تاسفن على غدر الزمان لطالما رقصت على جثث الاسود كلابا
يرحم امسسس ياحلآ نجد لاعاد تفلسفين
طولت عليكم >>>> اسحبو المايك منها ترا ماتعطى وجه
يالله مجرد خربشااااات حبيت ادونها هناااا
صح يابنات الرياض اليوم عليها مطر
والجومغيم والربيع نابت مع الجدران >>>> قولوا ايه لاتفشلوني
حتى خالتي عيوش جالسه بوسط قدر وجالسه تجدف بملاس >>> نصابه هالبنت
شكرا لمن زار متصفحي
ودعواتي للمتاخره عن الزواج بالزواج الصالح
وللمتزوجه بحياة سعيده
وللمطلقه بان ربي يعوضهاااا خير
وللمحرومه من الذريه بان ربي يرزقها بالتوائم المتعافين
وهذي ابتسـامه عريضـــــــــه ابتسامة رضى بالقدر والمكتوب
في حفظ الرحمن
حلآ نجد @hla_ngd_11
عضوة
يلزم عليك تسجيل الدخول أولًا لكتابة تعليق.
الباشيه
•
عافاك على الموضوع
جبتيها والله وانا اختك
عاد اختي مطلقه وكل ماراحت زواج احد يجون قرايبنا تقولين مايعرفونها يسألون امي ذي بنتك المطلقه؟؟؟؟؟
لا بنت الجيران
يعني الناس تسال مو مشكله اما القرايب مصيبه
مااقول الا مالت عليهم
ربي عوضها بمهندس اعزب ماشاءالله وهيه عندها بنتين بس رزقها ونصيبها
وبعدها صارو يقولون ورى المهندس مااخذ بنتك اللي بعدها ماتزوجت لايكون مايدري انه عندكم بنيات؟؟؟؟؟
مااعرف ايش يحسون فيه هم واسالتهم
مااقوووووول الا كششششش عليهم<<<عصصصصصصصصبت ترى
عاد اختي مطلقه وكل ماراحت زواج احد يجون قرايبنا تقولين مايعرفونها يسألون امي ذي بنتك المطلقه؟؟؟؟؟
لا بنت الجيران
يعني الناس تسال مو مشكله اما القرايب مصيبه
مااقول الا مالت عليهم
ربي عوضها بمهندس اعزب ماشاءالله وهيه عندها بنتين بس رزقها ونصيبها
وبعدها صارو يقولون ورى المهندس مااخذ بنتك اللي بعدها ماتزوجت لايكون مايدري انه عندكم بنيات؟؟؟؟؟
مااعرف ايش يحسون فيه هم واسالتهم
مااقوووووول الا كششششش عليهم<<<عصصصصصصصصبت ترى
الصفحة الأخيرة