ذاك اليوم اشتهيت حلى واحترت مدري شسوي ماكان في بالي نوع معين اسوية رحت فتحت الثلاجة وخميت كل مقادير الحلى المتوفرة وقلت بسوي حلى من اختراعي
طبعا قبلها بيوم كنت مسوية كيكة بيتي كويكر فانيلا وخلطت شوي كاكاو بودرة معها وبقى منها بالثلاجة فقلت استغلة بالحلى اللي بسوية >>>كاني طولتها
المقاااديـــــــــــــر
الطبقة الاولى
كيكة بيتي كويكر او اي نوع عندك فرمتها ناعم وخلطة شوي زبدة سايحة معها عشان تمسك في بعض
بعدين ارصها في صينية بايركس
الطبقة الثانية
رصيت فوق الكيك بسكوت شاي
الطبقة الثالثة
خلطت 4 حبات جبن كيري
نص علبة نستلة
نص ظرف كريم كراميل
نص علبة قشطة
بعدين نحطة على طبقة بسكوت الشاي
وندخلها الفرن شوي بس من فوق عشان تتماسك كويس ننتبه عشان لاتتحمر
الطبقة الرابعة
حمست نص كيس شعيرية باكستانية وحطيتها فوق خلطة الكريم كراميل تعطيها نكهة مررررة لذيذه
الطبقة الخامسه والاخيرة >>>مابغينا
خلطة ظرفين دريم ويب + نص كوب حليب بارد + نص علبة قشطة + شوي نستلة يمكن 3 ملاعق
ووزعتها بشويش على الشعيرية الباكستانية
وزينتها بالاخير بالاوريو وخطوط من الهيرشي
شوفو الطبقات كيف مرررررررة لذيذ الحلى
وعوافي مقدما حبايبي
ولاتنسوني حبايبي بدعواتكم ربي يسهل علي ويرزقني الولادة الطبيعية ويحفظ لي جنيني ويتم لي بصحة وعافية انا والبيبي انا وجميع نساء المسلمين >>بكرية مرعوووبه