حلال رجلي......وكيفي

السلام عليكم ورحمة الله وبركاته




بعلمكم حبايبي بقصص يمكن يصعب تصديقها علي البعض


منكم....


بس فالبدايه بذكر معلومه دايما ارددها...


(لا غيبه لمجهول)...



ولان القصص خلق القرآن احب اذكر القصص بمواضيعي


قدر الامكان....




(القصه الاولي)....




فيه بنات من اقاربي مقاطعات اخوهن الكبير....
حاولت انا وغيري من المقربات من العايله....
وكان الرفض القاطع ....
يقولون يبينا نتواجه عند اخونا الثاني اما بيته....


لا....



مالكن بالطويله ....الاسباب













قالوا ما نتحمل نشوف شدة الاسراف واللعب فالنعمه....


لهدرجه ....وش مثله



قالوا اغلي انواع الكاكاو من اكبر المحلات
















عياله يلعبون فيه ويفتتونه تلقينه حتي...


وانتو بكرامه...(بدورات المياه)


مرهم ميبو حق الحروق والكل يعرف سعره


تطلبه مرته المغرب وفالليل بنته تعصره كله عالمخده


الاجبان مرميه بكل مكان حتي مره اخوهن كان فالمجلس


وشاف كرتون كيري كامل مرمي وري الكنب...


والولد الصغير ماتعدي سنه...


يلعب بالجبن فالحوش معه كرتون....


بنته تكسر بالكمبيوتر واذا جاو ينهونها يقولون خلوها تلعب


التمر والموز ينفرك بالقص(السجاد)...



البنت تبكي تبي تلعب بلزقه الجروح والام تقول للخدامه


عطيها عطيها يقولون للام حرام اسراف....


تقول راسي يعورني وش اسويلها خلوها تسكت


بنت عمرها ثلاث سنين من زود الدلع....


تضرب بالجلي هو وصحنه بالجدار وينكسر


وتجيها الام وتقول ها ياحبيبتي عسي ما تعورتي


الاخوات يقولون لي تعرفين مواعينهم من افضل


المواعين واغلاها...


نزل فالاسواق نوع من المراوح مديل جديد


وجابه ...


والمروحه جديده عياله حاطين الواير مثل المرجيحه


وانقطع الواير وراح جاب غيرها....


يجيب كل انواع الفواكه...


جديده تفتح النفس....


كانت اخته جايتهم زياره من منطقه ثانيه...



تقول تقدمت لنا اول ما جابها وبعدين انتركت فالطبخ....










تخرب...




تقول نفسي فيها انا وعيالي ومن الحياء...


ما لمسناها...


الثلاجه خربانه ....

راحت مرته وماتركت شي ببنده ماشرته...

ويوم كلمتها اخته وقالت حرام النعمه بتخرب...

قالت غلطته ليه ما صلحها والا شري غيرها....

كل الانعام تركتها بري فالحراره...

ووووووووو.....

هذا شوي من كثير....

طيب ليه ما نصحتوها...

قالوا رغم انها كبيره فالثلاثينات...

نكلمها كانها بنتنا والا حنا جداتها من كثر الادب

والاسلوب الحلو...

تروح له وتشتكي...

ويطلع علينا ويهاوشنا ويحطنا بنخرب حياته

واذا كلمناه ما يسمع...

حتي خدامتهم تقول اخته كلمتها قلتلها...

حرام تتركين بيبي يسوي كذا حرام...

(كانت قاعده عند العيال لان امهم والده فالمستشفي)

قالت وش اسوي مدام تقول عطيهم

راسي يعورني خليهم يسون اللي يبون




(القصه الثانيه)...





بعد طلاقه يقول غيرتني عمري ماكنت اعرف...

المطبخ وانا عند اهلي ولا اعرف تفقد الاغراض...

كانوا اهلي اذا قالوا جيب اي شي اجيبه وانا مغمض

ما احاسب ولا اقول وين راح....

لاني عارف مخافتهن من الله...

واهميه حفظ النعمه عندهن....

تزوجت وعاملت زوجتي نفس اهلي...

ما احاسبها ولا اقول توني جايبه وين راح...

احيان تطلب مني اشياء اكون متاكد اني توني جايبها

ومستحيل تكون خلصت...

لاني اجيب اكبر الاحجام...

ويكون بهالفتره ماجاني عزايم ولا عشيات

ورغم كذا اروح اجيب اللي طلبته...

لكن في يوم كان عنده عشاء...

وكان مستعجل فتح الدرج بياخذ شي...

ما طلبه منها...

وطاح ربطه كاااامله جديده من السفر....












وجنبها زيت واحد والا ثنين...

الحجم الكبير....

يقول ثاني يوم طلبت مني سفر وزيت...

قلتلها انتي متاكده ما عندنا قالت اكيد...

بتعلمني ببيتي...

المهم نفس هالانسانه...

راحت لاهلها كانت فالسابع وبتقعد لين تولد

يوم جاء يفضي الثلاجه والفريزر.....


يقول قلت خلني اطلع الاغراض حرام تخرب

اتصدق فيها...

انصدم يوم شاف التواريخ منهيه من سنه زواجه...

قبل خمس او ست سنين....

يقول آآه يالقهر اجيبلها الخدامه المؤقته...

بالفين وثلاثه الشهر...

وتخليها تنظف الثلاجه ما تتكرم تشيك علي التاريخ

تطلع الاغراض المنتهيه وترجعها مره ثانيه

وتوديني لبنده وتشتري نفس الاغراض

اللي موجوده عندها....


غير حليب ولده مدري بنته اللي منتهي واغراضهم الثانيه

بساكيت وسريلاك...


باكتفي بهالقصتين والا يعلم الله عندي....

غيرها وغيرها...



ماراح اكلمكم من جهة الدين...

فالحكم معروف....

بتكلم بامر دنيوي...


يتبع....