حلال في امك

السلام عليكم
حابه استشيركم في موضوع او ابي اسمع ارائكم وكل وحده مكاني وش راح تتصرف انا لي ثلاث سنوات متزوجه وعلاقتي في اهل زوجي عاديه جدا بس زوجي الله يحفظه لنا جدا بار بوالدته وين مانطلع لازم ناخذهم معنا هو وخواته ثنتين ابد مايقصر عليهم في شي وانا كان هالموضوع مضايقني نوعا ما بس ماتكلمت ولاكان عندي نيه اتكلم ابح واله يشهد بس في ذاك اليوم وكانت اخته جايتنا زياره فالاجازه وبعد كم يوم كلمها زوجها يقول لها وش رايك نروح ناخذ عمره ونتمشى وكان معه امه وخواته وحنا جالسين على العشاء الا واسمع امها تناقشها فالموضوع ورافضه ان بنتها تروح وقالت لها بالحرف الواحد قولي له اذا مشيت اهلك تعال مشني تمشيتي لحال ماني برايحه معكم .. انا يوم سمعت هالكلام جتني صدمه نفسيه كيف هالحرمه الكبيره العاقله يطلع منها كذا وقلت في نفسي طيب انتي وش محللك تروحين معي كل مكان وبناتك لا
بعدها صرت اشرط على زوجي نفس شرطها ومع ذلك احس بتانيب ضمير هل انا ذنبها وخلاص والاراح يبتليني الله بذنبي ، ودمتم