الله يبلغنا العيد وحنا بااحسن حا

انا الحمد لله تقريبا خلصت تنظيفات باقي المطبخ ماجلته عشان لايرجع ينعدم مرة ثاتيه .. ولبسي ولبس بناتي الحمد لله ارتحت وخلصته .. واول مايعلنوا انه ثاتي يوم عيد طيررررران على الصالون قبل الزحمه بس استشوار وتشقير وارجع لبيتي اهتم ببنوتي اللي عمرها سبع سنوات .. احب اخليها تفرح بالعيد وازين معاها غرفتها بالونات واحط لها فيها بوكسات فيها حلويات وتسالي اطفال لانها تحب اذا فيه اطفال زارونا مع اهلهم .. تدخلهم غرفتها وتسوي نفسها تضيفهم وحركات دلع يعني .. بس عندي استفسار للي عندهم اطفال بعمر سنه او سنتين .. كيف يتصرفوا معاهم ؟؟ حاليا بنتي عمرها سنه ولما كانت اختها الكبيره قدها كانت تتعبني اول يوم عيد بسبب لخبطة وتقطيع النوم وقلة الاكل وتكون اعصابها تلفانه من الدوارة على البيوت ،، بالذات اني عايشه في مكه وجماعتي وجماعة زوجي في جده ،فنضطر نخرج من البيت على 2 نعايد على ام زوجي في مكه وعلى 4 نحرك على جده ونبدا الزيارت .. فما حتقدر بنتي الصغيرة تنام ساعه على بعض بالذات مع الصجه والاصوات .. فياليت تفيدونا ؟؟ العام بعد ما دخلت ثاتي بيت بنتي الصغيره استفرغت وعدمتني

ولا تقولي من الحين عوديهم على النوم لانه الاطفال احس مو بسهوله يتغير روتينهم .. اذا للحين الصغيرة احسها ما اتعودت على جو رمضان وعلى طول فيها خمول وتبكي عشان تغير نظام نومها .. اعتذر من صاحبة الموضوع اني دخلت سوالي في موضوعها بس الشي بالشي يذكر

اممم
خلصت لبس العيد وباقي بيتي ما رتبته
اما عياالي التؤام بلبسهم ثياب مع غترة وبشوت صغيره وبنتي بلبسها فستان لونه تيفاني مع طوق ورد على شعرها


^^ هههههههه مجرد خيال مالله رزقني بعيال والعيد بدون ذرية ماله طعم الله يرزقني وكل محرومة
بس صدق بيتي ما رتبته عجزاانة 😢

موضوعك حلو يستاهل الرفع