حلاوة أوريوا....... طعمه رهييييييييييييييييييييب ...

هلا خواتي ..... اشحالكم .... حبيت اقدملكم شي حلو ويديد .... حلاوة اوريوا.... كل ما حد ايي بيتنه اسويله ... يتخبل و يسألوني مقاديره...... صدق لذيذ .....اليكم المقادير والطريقة

المقادير:
علبتين بسكويت اوريو ( اتحصلونه في الجمعيه علبته ازرق وشكل البسكويت مدور بني )
ورق الكعك

الخلطه الاولى:
10 حبات جبنه كيري
علبه قشطه
نصف حليب مركز نستله
( نخلط كل المقادير بخلاط كهربائي)خلطي عدل على الاقل لين ما يروح قطع الكيري

الخلطه الثانيه
4 جلاكسي
قشطه
( سوي حمام مائي ..... جدر في ماء ساخن ونضع عليه مله (زبديه) و نحط جلاكسي عسب يذوب الكاكاو وبعدين انحط قشطه ونخلطه)

للتزيين ( فليك)
الطريقه:

نحضر صينيه كعك اللي على شكل دوائر12 دائرة (صغيرة) ونحط ورق الكعك ونحط بسكويت اوريو...... وتحضرين الخلطه الاولى ... عقب ما حضرتيه بس ملعقه وحدة كبيرة من الخلطه الاولى على البسكويت اوريو ... وبعدين انحطه بس 10 دقايق في الفرن ... ( الفرن يكون حار قبل لا تحطينه .... وبس شغلي من تحت )

عقب ما تظهرين اوريو ... خلي صوب اشوي يبرد .. وسوي الخلطه الثانيه ....
و بعد بس ملعقه كبيرة من الكاكاو نحطه على الخلطه ( الاولى)... و نزينه بفليك

و حطيه في الثلاجه .... صدقوني لذيذ .... حلو ضيفينه حق الضيوف ...


وبالهنا والعافيه