بسم الله الرحمن الرحيم
كل عام وانتم وكل المسلمين بالف خير
وبمناسبة شهر الخير هلحلو كتير مناسب بامسيات رمضان مع القهوة السادة ررررررررررررررررروعة ....انا هلحلو بعشقو لانه خفيف وغير دسم .......ومن زمان اول ما بديت اتعلم الطبخ كان حلمي اتعلموا وتحقق الحلم
بسم الله نبدا
طبعا انا اعتذر اني ما نزلت صور الخطوات لاني ما كنت مفكرة انزله بس صدقوني سهل
المقادير
طبعا انا بستعمل بالعيار المج اللي بنشرب فيه النسكافية
3ارباع الكوب ماء عادي
كوب سميد ناعم
نصف فنجان القهوة ماء زهر
كوب قطر
جبن موزريلا 500غرام يعني 2كاس مبروش
الحشو عبارة عن علبة قشطة اي نوعية بتفضليها وفستق حلبي وممكن زهر الليمون للزينة بس انا ما عندي مش مشكلة زينة الفستق بتكفي
الطريقة بطنجرة تيفال حطي الماء والقطر والسميد وماء الزهر وحركي شوي ثم اضيفي الجبن واستمري بالتحريك عنار هادية حتى تحسي المزيج تجمع عبعضوا ونشف وبملعقة خشب
فورا وهو ساخن انزليه على الرخام المدهون بقطر ومديها بيديكي حتى تكون برقة مناسبة يعني لا خميلة ولا رفيعة واتركيها تهدا حرارتها
قطعيها بقطاعة البيتزا بشكل طولي ثم كل وحدة قطعيها 2او 3حبات وضعي بطرف كل حبة ملعقة صغيرة قشطة ولفي زي ما بنلف الملفوف
وضعي الحبات بجاط التقديم ورشيها فستق حلبي
ضعيها بالثلاجة راح تتماسك اكثر
قدميها وبنجبها قطر للي بحب يزيد القطر
لذيذة جدا جدا جدا ومظرها مرتب كتير كانها من المحلات والطعم اطيب من :32:المحلات
صدقوني الواقع احلا بكتير لانو التصوير من الموبايل
لا تنسوني من دعواتكم يا غاليات
من يد مانعدمها
جاري التطبيق
وننتظر جديدك