شلونكم يا حلوات
اليوم جبت لكم طريقة عمل حلاوة سهلة وسريعة ولذييذة وخفييييييييييفة ومكوناتها بكل مطبخ وبلا حوسة ولا غربال
مسامحة ماتذكرت اصور لكم المقادير ولا طريقة عملها لاني لما سويتها سويتها في وقت مزاحم على الطباخ شوي
تفضلوا مقاديرها
1كاس حليب بودرة (انا استخدم كاس الجبن الكبير كقياس للكوب)
1 علبة قشطة
سكر بودرة حسب الرغبة انا لاني ماحب الحلاوة تكون ثقيلة حطيت ما يعادل ربع كاس الجبن الكبير
ملعقة صغيرة فانيليا
ملعقة صغيرة كوفي كنكهة فقط او اذا حبيتي ملعقة صغيرة ماي ورد بعد حلو
باكيت بسكويت قهوة الصباح او باكيت ونص على حسب حجم البايركس
كمية من الحليب السائل لتبليل البسكويت تقريبا كاس واحد
للوجه:
1علبة كريم كراميل
1علبة قشطة
طريقة العمل:
1... اول شي تاخذين الحليب البودرة وتحمرينه على نار هادية ليما يصير لونه ذهبي على بني فاتح
2...ثانيا تاخذين علبة القشطة +الفانيليا+الكوفي+ الحليب البودرة المحمر طبعا +السكر البودرة وتخلطييييييييييييييييييينهم من قلب ليما ينخلطون وراح يصير مثل العجينة المايعة شوي وريحتها حلوة يمييييي
3... ثالثا ((اول طبقة)) تاخذين البسكويت وتبللينه بالحليب مجرد تبليل مو تنقيع ترى البسكوت بسرعة يذوب حاسبو وتصفينه في البايركس اقصد صينية التقديم ويفضل تكون مستطيلة عشان تكون مرتبة مع شكل البسكوت المستطيل
4... ((ثاني طبقة )) تصبين خليط الحليب اللي سويتيه على البسكوت بحذر وتمسحينه وتسوين سطحه بملعقة بحذررررررررر عشان لا ينعفس عليج الموضوع
5... ((ثالث طبقة)) تحطين طبقة البسكوت الثانية ومثل الطريقة السابقة انج تبللينه بالحلب وتصفينه بترتيب على الخليط
6... ليهني راح تكون اخر طبقة وطريقة عملها سهلة جدا تطبخين الكراميل كالعادة وتطيفين له علبة القشطة ومعاهم بعد الدبس حق الكراميل او اللي يسمونه العسل او اي مسمى المهم تظيفونه اثناء الطبخ
تنتظرين ليا يبرد الكراميل وصبيه فوق الطبق اللي عندنا بحذر انا صبيته بملعقة الشوربة الغزيرة وبهدووووووء
وبسسسسسسسسسسسسس تدخلينه الثلاجة ويقدم باردا
وهذي صورته عقب ما خلص البايركس ههههههههههه قولوا بالعافية:icon28:
تفضلوا
وكل اللي ابيه منكم ان الله يهدي زوجي عن العصبية:( ونا بعد ويتمم حملي بالسلامة
وتحياتي]
