يبتلكم اليوم هاي الحلاوه...و بدون مبالغه...صدق سهله و لذيييذه....وبدون ما ألف و أدور...هذي مقاديرها...
المقادير:
كيس صمون الحجم العادي
كوب زيت
كوب ماء
ثلث كوب سكر(نص كوب حق اللي يحبوونها حلوه زياده)
ملعقتين صغار جرفه( مدحوبات عشان يطلع أحلى!:23:)
مقادير التوبينغ اللي بينحط على الحلاوه قبل ما تدخل الفرن:
6 حبات جبن كيري
نص قوطي حليب نستله مركز
نص كوب ماء
مقادير التوفي اللي بينحط على الحلاوه عقب ما تطلع من الفرن:
كوب سكر
قوطي قشطه
الطريقه:
نقطع الصمون على شكل شرائح مدوره..(يعني يمكن الحبه الوحده بيطلع منها عشر شرايح تقريبا بحيث يكون السمك متوسط)..
نخلط المقادير الباقيه مع بعض في الخلاط..و و نجهز البايركس(اللي تبا تجسم الكميه تيب بايركسين وسط على أساس إذا تبا اتطرش الثاني حق حد مثلا:27:)
نغمس كل شريحة صمون في الخلطه اللي جهزناها و نصفها في البايركس شوي على شكل مايل(يعني حبه راكبه عل الحبه اللي قبلها فيايه مايله شوي:o ) عشان يكفي البايركس و في نفس الوقت بيعطينا شكل أحلى من اللي مصفوف عادي عدال بعض.
وعقب ما تنتهي الكميه نفتح الفرن, و نخلط في الخلاط مقادير التوبينغ و عقب نصبها على الصمون المصفف..و ندخل البايركس الفرن لمدة 10 - 15 دقيقه لحد ما انحس إنه اللي في الطبق يفور و التوبينغ بدا يجف شوي(انا دخلته الفرن على 160 درجة مئويه و فرني من النوع الحار شوي)..
في نفس الوقت انجهز التوفي...فنحرق كوب السكر على نار هاديه و عقب نظيفله القشطه مع التحريك المستمر و نخليه على صوب الين ما انطلع البايركس من الفرن..و عقب ما انطلعه اتصبون عليه التوفي بالطريقه اللي تعيبكم...
وهاااااااااذي الصور....
إن شاء الله يعيبكم الحلو و هني و عاااااااااااااااااااااااااااااافيه إن شاء الله...:23:
شكله حلو ومرتب في الصينية
ان شاء الله اجربه