رجعت لكم من جديد بعد مضي سنوات على هذا الموضوع

كنت مسويه بحث في قوقل عن هدايا العيد وطلع لي هالموضوع
قلت لازم أضيف أفكاري الجديده إلي سويتها خلال هالسنوات

طبعا أنا أطفال حمولتي قليلين علشان كذا يمكن افكاري مكلفه شوي لان عدد الهدايا قليله فما تصلح للي اطفالهم فوق العشرين طفل, يعني عيدهم كبير ومليان بزران ههههههه



.المهم
_سنه من السنوات جبت مجموعه قلابيات للأولاد -لعبه سياره لها زي الصندوق - جبته من النوع البلاستك الملون وحجمه صغير مو الكبار 20 سم -تقريبا شبر- جبتها من بنده
وعبيت صناديق القلابيات حلويات وغلفتها بسلوفان طالع شكلها مره ذوق يعني اللعبه (سيارة القلابي) صايره هي الصندوق..طبعا هذا للأولاد وعددهم تقريبا 12 يعني مو كثير.واللعبه كانت خمسة ريال.
أما البنات كانوا أربع بنات بس ..جبت لهم شناط (حقائب يدويه صغيره) كلها زي الريش من إكسواريز طبعا غاليه الحقيبه ب 50ريال بس زي ما قلت لكم هم أربع بنات بس وعبيتها حلويات

_ وسنه حرصت إني أصور أطفالنا كلهم بنات وأولاد بالجوال بدري قبل رمضان لاني ناويه اطبع صورهم على أكواب وفعلا طبعتها على الاكواب في محل تصوير في اليور مارشيه وكتب عليها عيد سعيد ورسومات بلالين كانت روعه مره وعبيتها حلويات وغلفتها بسلوفان.طبعا الأكواب عندي إلي فيها صور عيالي بس ماأعرف انزل الصور بس اكيد تخيلتوا الشكل..طبعا سويت الكوب الواحد بـ20 ريال بس كانوا الاطفال 13 طفل مو كثير.

_ وسنه أخرى فصلت بالورق المقوى علب على شكل فانوس وفرغته بشكل زخرف إسلاميه وغطيت التفريغ ببلاستك شفاف مقوى -إلي يصير في بدايه المجلات المصوره- طالع كنه زجاج إلي في الفانوس مدري فهمتوا وإلا لا ..يعني بحيث إذا عبيت الفانوس حلويات تكون واضحه من خلف البلاستك الشفاف
طبعا طبعت عليه صور بنوتاتي وعبارات معايده كان جدا رائع وعندي صوره منه وعندي صوره وورد لنسخه من شكل الفانوس على الورق المقوي قبل ما أطويه وأفرغه لاكن ما اعرف انزل الصور
بس اتمنى إنكم فهمتوها مره حلوه بس شغلها يبغى وقت..

- اما سلفتي جابت صناديق خشب صغيره وحرقت عليها عبارة معايده وعبتها حلويات ووزعتها..


احاول اتذكر بعض الأفكار وأرجع من جديد ..
ويالله عطونا أفكاركم الجديده..

شوفوا هالموضوع فيه علب على شكل فانوس
وطريقة عملها وباترون العلبه جدا واضح روووعه
http://forum.hawaaworld.com/showthread.php?t=402627

وهذي طريقة عمل سله من صحون الورق جدا روعه شوفوها
http://osrty.com/hwarat/showthread.php?t=87500

وهذا كتاب رائع لعلب الهدايا بأشكال خرافيه وباتروناتها وطرق عملهاخطوه بخطوه روعه لتغليف الهدايا
والرابط
http://photo.163.com/photos/fox_chenyi11/14196308/#p1
شوفوه .....رائع

ثانك يو