حلاوه بالكورن ارز

شوفي الغالية هذي طريقة الأخت رقيقة.. عطتني اياها وجربتها كم مرة والطعم أممممممممممم.. جربيها وانشالله تكون اللي ببالج

حلى رقيقة بالكورن فليكس

المقادير
2 إصبع زبدة (مقاس 115 جم)
2 ملعقة كبيرة عسل
9 حبات مارس الحجم العادي مو المكعبات الصغبر
1 علبة كورن فليكس رايس
شوفي تذوبين الزبدة على النار ، والمارس تذوبينه في المكرويف وبعدين لما تذوب الزبدة تصبين عليه المارس وأهو ذايب طبعا وتخلطينهم وبعدين تضيفين العسل وتخلطين وتسكرين النار علشان مايحترق، طبعا كل هذا والنار هادية.
تجيبين علبة الكورن فليكس وتخلطينها مع المقادير بس موكلها يعني بالتدريج صبي ، وإذا حسيتي محتاجة نار فتحيها بس هادية ليما ماتخلص العلبة، تاخذين الخليط وتحطينه في تيفال أ, أي صحن فرن، وتساوين الوجه عدل الفريزر
مدة نصف ساعة وبعدين تحطينه في الثلاجة ليما ماتقدمينه ، بس قبل التقديم طلعيه بره شوية وقطعيه مكعبات صغيرة

مشكورة ياقلبي يالمسافرة على إضافة طريقتي في الكورن فليكس .. وتأكدت إنها فعلا عاجبتك ...

ويلة يادمعة حزن وخليك دمعة فرح تراها أحلى .. وجربي الطريقة وعلميني

عندي طريقه حلا الكورن رايس ( حلا الكورن لكن بالرز وهو يجي لونه بني وابيض انا اختار البني )
جربته 3 مرات لكن ماعجبني حتى يوم وديته لااقربائي لم يعجبهم وليس فيه اي طعم ناس مدحوه كثير لي وعطوني الطريقه لكن للاسف طعمه لم يكن ليذ وراح اكتب الطريقه لكم
حلا الكورن رايس
المقادير
اصبع زبده
2 مارس
2 كاس كورن رايس اللون البني واذا كان ابيض يحمس على نار هاديه الى ان يتغير لونه
2 ملعقة عسل
الطريقه
نضع الزبده والمارس مع بعض الى ان يذوب ونحركه على النار بعد ان يذوب الجميع نضع الكورن رايس ونخلطه على نار هادئه الافضل نبعده عن النار واذا انخلط واذا بدا يجمد نرجع نضعه على نار هادئه الى ان ينخلط طبعا نكون وضع العسل معه ونحرك الى ان يتجانس مع بعضه
اخذت الطريقه من وحده بعد ان مدحته لي احدى الصديقات على طول اخذته منها لكن للاسف ما ظبط معي ما ادري
مقلله من المقادير او لا
لكن واضح ان طريقت الاخت رقيقه افضل وهو يعمل في صينيه صغيره بعدين هو يجمد مره يالله تقطعينه ليش ما ادري اتمنى اعرف السبب
لكن راح اجرب طريقة الاخت رقيقه
لكن عندي سؤال في مارس يباع بريال ونصف وفيه بريال ايهما استخدم

لقيت طريقه من احد الكتب لكن ما جربتها اتمنى اذا جربت احدى الطرق انك تردين علي علشان اذا اظبطة معك وطلعت لذيذه اجربها

طريقة حلى الدايسي كريبس
الطريقه :
رقم (1)
8 حبات مارس حجم عادي
ربع اصبع زبده
ملعقه كبيره عسل
رقم(2)
2 كاس دايس كريبسي
الطريقه:
توضع المقادير رقم (1) في حمام مائي حتى يذوب جيدا ثم توضع عليه المقادير رقم (2) ثم يخلط بالملعقه بعنايه ثم يكور ويوض في وقوالب الورقيه او اذا اردتي رصيها في الصينيه وواسيها بالملعقه وبعد ذلك قطعيها مربعات بعد ان تكوني تركتيها في الثلاجه لمدة نصف ساعه
:26:

أهلين بشمس الحب .. شوفي يالغالية طريقتي مجربة ومضبوطة 100%، والمارس اللي أقصده اللي عندنا ينباع 100 فلس يمكن عندكم ريال يعني صح ، يعني أهما ثلاث أحجام ... صغير ومتوسط وكبير ،، إخذي االاصبع الكبير، ولازم تخلينه يجمد حيل ،، ولما يطلع تقطعينة بسكين حادة وراح يتقطع معاك لأن الكورن فليكس نوعا ما مو قاسي ،، ولو كانت قاسية حيل نطريها لمدة 10 دقايق وبعدين قطعيها ... جربيها تراها حيل لذيذة