كيفكم ****لله تمام
انا بصارحه مسنتره دايم على قسم الطبخ بس للاسف دايم اطبخ وانسى اصور الا اذا شبعنا تذكرت
المهم سويت قبل يومين حلى لزوجي يموت عليه لان طعمه يهبل والاهم سهل بالشيل بالنسبه له >> مايحب الصواني
الحمد لله تذكرت وصورته لكم عساني ماانسى اكمل باقي الايام
يالله عاد ترا اول مره انزل شجعوني عشان ابدا اصور كل شي اسويه >>>>> الله يعينكم علي
اخليكم مع الحلى
حلى حصه الحلوه
المقادير:
بسكويت القمح
2 قشطة
1دريم ويب
4جبن مثلث
1/2 بيالة شاهي ماء
بسكويت سم سم
بيالة توت >> انا حاطه فيمتو بس التوت احلى بكثير
ظرف كريم كراميل
بيالة ونصف ماء
الطريقه:
ا- الطبقه الاولى اعجني البسكويت المطحون مع علبة قشطه وترص بالقالب>> نسيت اصور هالخطوه
2 بالخلاط حطي1 دريم ويب- 4جبن مثلث -1قشطة - 1/2 بياله ماء
يخلطن حتى يثقلن ثم يوضع مقدار ملعقه على الخلطه الاولى >> وهذي كمان نسيت اصورها
3- يصف بسكويت السمسم او نفس البسكويت الي انا حاطه على الطبقه البيضا ويوضع بالثلاجه حت تبرد
4-عالنار بيالة توت_ظرف كريم كراميل_بيالة ونصف ماء_اذا غلا يوضع على البسكويت ملعقة >> موب اول ماتسكرين النار تصبينه على البسكويت انتبهي لان البسكويت بيطفح فوق ويهبل بك بيخرب شكله خليه يبرد شوي بعدين ابي حطيه
5- اتركيه شوي يبرد بعدين غطي العلب ودخليه بالثلاجه لوقت التقديم
وكذا راح يكون شكله النهائي
وهذاي العلب رحمتها قلت خل اصورها بعد
معليش شكله موب مرتب بس انا صلحته 3 الفجر وما صبرت عشان يبرد الي تبيه مرتب تسوي زي ماقلت ولا تستعجل
