هذا الحلا احبه مووت اولا لان له ذكريات جميله مع جارتي الغاليه برستيج المحبه واول مره سويناه مع بعض في شقتها وحلينا عليه بعد هذيك الكبسه اللي تكبس على الانفاس :p
وثانيا لانه لذيذ وسهل وطعمه كانك تاكلي ايسكريم شكولاته بحط الصور كلها باخر الموضوع
نبداء في المقادير
الطبقه الاولى
كوب بسكوت شاي مطحون
كوب بقسماط
ربع كوب عسل
زبده ورشه فانليا
نخلطها ونرصها في بايركس وسط او صينيه متحركه صغيره
الطبقه الثانيه
كوب كريمه خفق
نص كوب سكر
فانليا
جبنه فيلادلفيا ابو عشره ريال هههههههه ام الوصف لاني موعارفه كم جرام
ملعقتين كبيره كاكاو بودره وممكن زياده حسب رغبتك
ملعقتين ك جلاتين في نص كوب مويه حاره مانخلطه الا وقت الاستخدام
نخلط الكريمه والسكر والفانليا لحد ماتنفش ثم الجبنه وبعدها نضيف الكاكاو واخر شي الجلاتين المذوب في ماء واذا تكتل ممكن تحطيه في صفايه وانتي تصبيه ع الخليط حركيه وحطيه ع الطبقه الاولى وع الثلاجه واذا مستعجله ع الفريزر بس اذا بتحطينه في الفريزر لازم قبل التقديم بوقت تطلعيه عشان يسهل تقطيعه مو مثلي امس جبت العيد من كثر مو مفجوعه ماعندي صبر :laugh2:
بالف عافيه ويارب يعجبكم
بالنسبه للتزيين خفقت شوي كريمه مع شوي سكر وحطيتها بشكل عشوائي بملعقه الحلا وصبيت توفي سائل طبعا التقطيع طالع مو مرتب لاني ماخليته يفتر بعد ماطلعته من الفريزر وان شاء الله اشوف تطبيقم وارائكم لكم حبي
