اليوم جايبه لكم حلا سهل يستانسون عليه الجهال
سويته لعيالي وعيال خواتي استانسو عليه وهذا شكله
طبعا اول مجموعه هذي
حلا الخرفان
المقادير:
كروسآن جونيور
علبة نستله
أعوآد كبريت
أعوآد أسنـــآن
كآكآو مثلثآت (الاهرامات اووو اللي الكيس حقه لونه بيج او اصفر ومكتوب عليه بأحمررر)
جوز هند
الطريقة :
تغمسي الكاروسان بحليب نستلة ( ونصيحة خففية بشوي موية عشان مايرتفع ضغطك هههههههه ) وبعدها تغلفيه بالجوز
وتاخذي الكبريت وتدخليهم كانهم رجل الخروف وايديه .. وراس الخروف تجيبي قطعة من الشوكولاته وتحطيها في عود الاسنان وتحطيها مكان الراس
وبكذا خرووفك اكتمل
اما التبن وما اداراك ما التبن بصراحة طعمة شي يعني اذا احد كلي تبن قولي له يسلم راسك هاته واكله هههههههه
حلا التبن
المقادير :
بسكويت اولكر الصغير يكون مربعاته صغيرة
علبة قشطة
3 ملاعق شوكولاته بودرة
نص كوب سكر
3 ملاعق حليب بودرة
نص بيالة زيت
شعيرية باكستانية او شعيرية احمد <<< اول مره اسمع ان اسمها كذا
الطريقة:
- بالخلاط ( القشطة + الشوكولاته +السكر + الحليب + الزيت ) ونغمس البسكويت طبعا نخليه 3 طبقات ونصفهم في صينية يكون عليها قصدير عشان مايتلاصق بالصينية
وندخلهم الفريزير لمدة ساعه تقريب المهم يجمدون
- نكسر الشعيرية ونخليها مره صغيرة ونشقرها ..
- نغمس البسكويت في النستلة وبعدها في الشعيرية
طبعا حجمها بيكون ماعليه كبير انا قسمتهم بالنص وصفيتهم في الصينية مع الخرفان
بعد مادهنت الصينية بنستلة ورشيتها ببسكويت مطحون موو مره ناعم وجوز هند مع اللون الاخضر ...
وهذي صور الحلى
وهذا صحن بنتي الله يحفظها
