مساء الخيرات .... كيفكم مع البرد ,,
المهم سويت قبل كم يوم حلا شكله جديد واخر روقان مايحتاج لا للفرن ولا لثلاجه
اسم الحلا ** حلا الرطب ** الله يجزاها خير صاحبة الحلا ** روتانا ** من منتدى ثاني
الطريقه :
- اطحني باكيت بسكوت واخلطي معه قشطه وحليب محلى ( حليب نستله) حتى تتكون عجينه متماسكه (( الاخت روتانا استخدمت الزبده وانا استبدلتها بالقشطه ))
- اقسمي العجينه الى قسمين القسم الاول اخلطى معه بودرة صفار الزعفران ( اذا ماتوفر لك البودره انقعي شوووي من الزعفران العادي + ذرتين من الكركم في ربع فنجال مويه حتى تحصلين على اللون الاصفر - استخدمى الماء فقط -)
- القسم الثاني اضيفي له بودرة كاكاو + شوي سكر مطحون ( لان الكاكاو البودره تكون مرّه )
- الحين صار عندك عجينه صفرا وعجينه بنيه
- خذي شوي من العجينه الصفرا وشوى من بنيه ولزقيهم مع بعض وشكليها على شكل الرطب
- اضيفي القرنفل في بداية الرطب حتى يكتمل شكلها النهائي .. قدميها مع القهوه وبالهناء والعافيه
كنت مصوره الخطوات بالتفصيل لكن للاسف انحذفت كل الصور ولا بقى الاصوره وحده تفي بالغرض وان شاءالله تكون الفكره وصلت
يسلموا ايديكي