:21:السلاااااااااااااااام عليكم,
كيف حالكم بنات , عندي طريقة حلا قهوه يارب تعجبكم :13: , هو يبيله شوي وقت بس ترى طعمه خيالي (يشبه حلاو باونتي) وهذي الطريقه :
المقادير :
كاس ونص شوفان كويكر
كاس ونص جوز هند
كاس سكر ناعم
كاس حليب بودره
نصف اصبع زبده
ثلاث ملاعق كاكاو بودره
ثلاث ارباع كاس حليب سائل
شوكولاته قابله للدهن ( نوتيلا او جالكسي ) علبه واحده
طريقة العمل:
تحطين في القدر ( الشوفان + حليب البودره + السكر + جوز الهند ) , وتشبين عليه النار وتحركينه بستمرار ( يبيله شوي وقت ) ألين يصير لونه أشقر.
تخلينه على جنب , تذوبين الزبده وتحطين عليها الكاكاو وتكبينه على الخلطه السابقه , وتكبين عليه الحليب السائل وتحركينه , بصير زي العجينه وبعدين خذي قطعه صغيره وكوريها , وهكذا ألين يخلص أللي عندك.
حطيها شوي في الثلاجه على بال ماتبرد شوي سوي حمام مائي للشوكولاته القابله للدهن ألين تصير سائله , حطي الكور في قوالب الحلا وبالملعقه الصغيره خذي من الشوكولاته وحطي على الكور من فوق.
وبالعاااااااااااااااااااااااافيه.
ريومه @ryomh_2
محررة
يلزم عليك تسجيل الدخول أولًا لكتابة تعليق.
الصفحة الأخيرة
بس نسيت طريقته الله يذكرك بالخير