حلا النوتيلا واجمل رحلة مع الربع

السلام عليكم ورحمة الله وبركاتة
الله يسلمكم قبل لاتقبل الامتحانات علينا
قررنا انا وربعي تيمع في حديقه في منطقتنا ونفلها ونستانس قبل الامتحانات ولوعه الكبد
احمم ف اختكم فالله لازم اطلع ابداعاتها وقررت اسوي لهم حلى النوتيلا بما ان الكل يحب النوتيلا
انا سويت الطبقة الاولى لان جاني اتصال طارئ يتطلب وجودي في بيت خالتي وقلت حق اختي تكمل الباقي ^^


يلا نبداء بالمقادير :-
الطبقه الاولى ..
بسكوت مشرب بالحليب ورصيه بالصيني
الطبقه الثانيه
نص علبة قشطه + 3 ملاعق كبيره نوتيلا .. اخلطيهم .. وادهني طبقة البسكوت فيهم ..
الطبقه الثالثه ..
بسكوت مشرب بالحليب .. ..

الطبقه الرابعه ..~
ظرفين دريم ويب .. ونص كوب حليب بااااااااااااااارد .. اخفقيها لين تصير عندك كريمه
ضيفي ..
ملعقتين كبار سكر بودره ..

و 4 حبآت جبن كيري ..
والنص البآقي من علبة القشطه ..

اخلطيهم تمااااااام ..
و افرديها فوق طبقة البسكويت ..

غطيها بالقصدير دخليها الفريزر لمده ساعتين او 3 ساعات المهم تجمد الطبقه ..
الطبقة الاخيره ~
2 جالكسي سآده .. 3 م ك نوتيلا .. علبة قشطه ..
بحمام مائي ..
لين يتجانسووو .. وبعدين افرديها بسرعه فوق الطبقه الكريمه .. لانها راح تجمد عليك .. (فخليك سريعه بهالخطوه )
ونغطيها بقصدير مره ثانيه وندخليها الفريزر لين تجمد

اليوم الثاني كانت الرحلة العصر
وبدينا نجهز للرحلة
حطيته في الكيس وانطلقت نحو الحديقة والحمدلله اول مادخلت لقيت رفيجتي جدامي وباقي البنات يدورون ينطرونا
رحنا خذنا لنا مكان استراتيجي وفرشنا وحطينا اغراضنا





كنا بس جايبين بفكي وصدفه وحده من الشله اتصل فيني مضيعه الحديقه الاخت وقالت اذا ناقصنا شي
وكل البنات يصرخون من قممممه راسه جيبي معاج شطططططططططه
طبعا عندنا في قطر لازم ناكل البفكي مع شطه غير كذا مايمشي معانا



طبعا نص الشله تحب التصوير بس ماصورنا وايد ذاك اليوم لان الوقت راح وسوالف واذا بنصور خرابيط



ومع مسسك الختام الحلا الخطيييييييير ^^
طبعا طلعنا مرة ثانية عقب الامتحانات بس ماسويت شي لهم



هاي حمصيية الصف ماشالله عليها



نجمتنا المعوقة هههههه

يتبع ..