حلا ببسكوت الشاهي

حطي بالخلاط دريم ويب وقشطه وكريم كراميل ثم سوى طبقيتن بسكوت ثم الخلطه.. ممكن تسوي قشطه ونوتلا ودريم ويب تسوين طبقات مره بسكوت مره خلطه واخر طبقه دريم ويب لوحده ولو تسوي تارت بالسكوت أفضل وتزينينه مره بزبده اللوتس مره بالكيري مع الحليب المكثف مره بالقشطه مع النوتيلا وقوقل مليان وصفات لبسكوت الشاهي

4 ملاعق كبيره بودرة كاسترد او نشا ( الكاسترد افضل لان له نكهه )

3 ملاعق كبيره سكر او حسب الرغبه

3 كاسات كبيره حليب سائل او مويه مذاب فيها حليب بودره او علبة حليب الشاي المبخر مع مويه اللي متوفر يمشي .

اخلطيهم ثم حطيه في قدر على النار وحركي الخليط الى ان يثخن ثم صبيه في صينيه واسعه شوي عشان يبرد بسرعه خلال دقايق قليله .

اثناء تبريد الكاسترد جهزي هذي المكونات

2 علبة قشطة

1 ظرف دريم ويب

1 ظرف كريم كراميل

اخفقيهم مع بعض بمضرب السلك اليدوي او بالخلاط الكهربائي

ثم اضيفي عليه خليط الكاسترد بعد مابرد ولا تخافين ان الكاسترد بيكون متماسك بعد مايبرد لانه راح ينعم ويصير قوامه كريمي بمجرد ماتخفقينه مع باقي المكونات .

وبكذا صار عندك خليط جاهز تستخدمينه مع البسكوت كطبقات او في زبديات صغيره

اول طبقه حطي مسحه خفيفه من الخليط ثم رصي بسكوت مغمس بالنسكافيه او الحليب

ثاني طبقه ثلاث ارباع كمية الخليط تقريباً
ثالث طبقه بسكوت مغمس

رابع طبقه حطي اي شي يعجبك انا جربت ذوبت شوكلاته وصبيتها فوق البسكوت ، او ممكن تحطين شوكلاته هيرشي حبيبات او فستق مجروش او عين الجمل او بندق مع شوكلاته ذايبه او اي شي يناسب ذوقك ..

خامس طبقه صبي اللي بقى من الخليط

ثم حطيه بالثلاجه يبرد قبل التقديم

طبعاً تقدرين تقللين او تزيدين في الكميات وتتحكمين بكل المكونات حسب ذوقك واللي يناسبك مافي اي قيود .

ونفس الخليط ممكن بدال ماتسوين طبقات بسكوت تطحنين البسكوت ناعم او خشن حسب رغبتك ثم تخلطين معاه شوي زبدة فول سوداني وحليب وتخلطينه ثم ترصينه في صينية البايركس ثم تحطين فول سوداني او شوكلاته ذايبه ثم صبي الخليط وبرديه بالثلاجه .

عندي
مقادير للبسكوت مره سهله
قشطه وبودرة شوكلاته ودريم ويب فقط
تخلطينهم مع بعض
هم تغمسين البسكوت وتصفينه
والباقي من الخلطه تصبينها عليه وحطيها بالثلاجه نص ساعه ساعه
وبالعافيه