مساء الخير على الحلواااات💜
بقولكم حلا بسيط وينفع للاجواء الجميله
هٰذي
مايحتاج ثلاجه. يعني حلا سريع وبسيط ،
انا صلحته لشخصين عشان كذا الكميه
بالمقادير شي راجع لك ،
علبة قشطه وانا افضل قشطة ( رياده )
لانها اذا حطيتها بثلاجه تتماسك
بشكل حلو مو سايحه فهمتوا
يعني الحلا هذا ماتفع فيه قشطة التاج ابداً
المطلوب تكون قشطه ثقيله او بمعنى
متماسكه يلا ع الحلا🤗
علبة قشطة (رياده ) او اي نوع قشطه ثقيله
ملعقتين كبيره كريم كراميل.
ملعقتين طحينه سايله
تخلطينهم بكوب الخلاط
وتذوقين الطعم ع حسب ذوقك
اذا بتزيدين الطحينه او الكراميل براحتك.
طلعي الاكواب وصبي من الخليط هذا
وفوقه حطي بسكوت اوريو مطحون طبقه
وسط مو كثيره
وصبي فوقه طبقه ثانيه من نفس خليط
الكريم كراميل والطحينه
رشي ع الوجه من الاوريو او حطي قطعة
شكولاته جالكسي براحتك اللي تفضلي
وبالعافيه 🤗💜
طعم جميل باقل مجهووووود
وسلامتكم يالغوالي
وبالعافيه💜
ماعرف*