حلا خووورافي

السلام عليكم
اغلب الناس يحبون التشيز كيك لانه لذيذ اليوم راح اقولكم ع تشيز كيك روووعه وكل من ذاقه يطلبني طريقته وماراح ابخل عليكم في طريقته جربوه وادعو لاختي بالرحمه الله يرحمها وادعولي وللمسلمين عامه
طريقة عمل التشيز كيك
الطبقه الاولى بسكوت شاهي 3 مطحون وتعجنيه ب فنجال شاهي سمن فارم وملعقتين كبار قشطه وترصيه في صينية التشيز كيك

الطبقه الثانيه 1 نستله كبير و 6 حبات جبنة كيري و علبة قشطه و دريم ويب ضرفين وبيض 2 وملعقة صغيره فنيليا تحطيها فوق بعض ف الخلاط وتخلطيها الما تتجانس وتصبيها فوق طبقة البسكوت
تغلفي صينية التشيز بالقصدير مزبووط عشان م تدخل المويه ع الحلا وتخربه
بعد م تغلفي الصينيه دخليها في صينيه اكبر من صينية التشيز كيك وصبي في الصينيه مويه حاره ودخليها الفرن من تحت واتركيها تستوي في حمام مائي الما تجمد الطبقه الثانيه ممكن تأخذ ساعه او اكثر ع حسب الفرن
بعد م تجمد لاتطلعيها ع الثلاجه ع طول ﻻ بعدين تخرب افتحي باب الفرن عليها واتركيها تبرد بعد م تبرد دخليها الثلاجه تبرد زياده
الطبقه الاخيره تفنني فيها انا حطيت نوتلا ومره حطيت باي فيلنق ومره حطيت توفي كلها طلعت رووعه ب الذات مع القهوه خياليه وهذي صورتها جربوها والله رووعه وراح تعجبكم