ياهلا والله بكل من شرف صفحتي
اليوم جايبة لكن حلا روووووووووووعة ويشرفك عند زوجك وحمولتك وصديقاتك واذا حطيتيه على السفرة صدقيني الكل راح يسأل من اللي سوووووواه << هذا اهم شي عندنا يالحريم هههههههه
طبعآ هالحلا اخذتوه من منتدى ثاني خلال فرفرتي الاستكشافية دائمآ << صايرة كولمبوس على غفلة
وطبقته ونزلته لعيونكن وحبيت تشوفنه لان ما عندي اعز ولا اغلى منكن علشان تكشخن بوووووه زييييييي << اكشخخخخخخخ
بسم الله نبدأ بالمقادير والطريقة مع بعض ,,,
** كيك سويسرول فانيليا وكاكاو على حسب حجم صينيتك
** تقطعينه دوائر وتصفينه بالصينية حقت التشيز كيك اللي تنفتح من جنب
** بعدين تجيبين 2 قشطة + 6 جبن كيري او اي نوع + 2 دريم ويب + علبة بسكويت شاي مطحون
وتخلطينهم بالخلاط ,,
** وتخلطين بقدر (( نصف كوب حليب سايل + ملعقة صغيرة نسكافية + 1 كريمة ))
**وتحطينهن على النار الين تبدأ بالغليان ,,,
**بعدين تضيفينهن على اللي بالخلاط ,, وتخلطينهن عدددددددل ,,
** ثم نسكب نصف المقدار اللي بالخلاط على طبقة السويسرول
** ونحطه بالفريزر نصف ساعة الين تجمد الطبقة وتتماسك ..
ثم اذا جمدت الطبقة الكريمية نطلع الصينية ونصف عليه طبقة ثانية من الكيك ,,
لا أحد يرد يالغاليات لي عودة ,,,
يالله نكمل الخطوة اللي بعده ..
بعد ما نصف طبقة ثانية من الكيك نصب عليه بقية الخلطة اللي بالخلاط ونغلفه ونرجعه للفريزر علشان تجمد وتتماسك ,,
** ثم نجيب علبة بيبسي + كريمة ,, للامانة الصورة من النت ,, لاني نسيت اصور هالخطوة
ونحطهن بقدر على النار الين تغلي ,, للامانة الصورة من النت ,,
وإذا بدت تغلي نطفي عليه ونخليه تبرد شوي .. بعدين نطلع الصينية من الفريزر ونصب فوقه الكريمة بالملعقة بشوووويش علشان ما تخرب الطبقة الكريمية ,,
وندخله الثلاجة الين تبرد تمامآ وتتماسك عدددددل .. ونقطعه ,,
وهذي لاول وحدة ترد وتشرف موضوعي وبالعافية على قلبه,,
وهذي لكل من تشرف موضوعي ,,
واخيرآ خلصت ,,
اتمنى يعجبكن حلاي وتطبقنه لانه لذيذ جدآآآ جدآآآ .. و اذا اعجبكن حلاي شجعني بطريقتكن الخاصة لاني والله تعبت من التنزيل والتحميل والكتابة ,, بس كله يهون للغاليات << ما تلمح لشي ابد ابد :35: