ااخباركم
اليوم زوجي كان عليه القهوه في الدوام وكان لازم اصلح حلا والمشكله ماقالي الا قبل ينام وقال دبري عمرك منيب جايب لك مقاضي وقمت احوس في المطبخ وصلحت تشيز كيك الزبادي بالفيمتو وهالحلا بالمقادير الموجوده وانجنوا عليه اصدقاه
نبدا في المقادير والطريقه
الطبقه الأولى
نصف بسكوت شاهي في الصينيه ونرشوه بشوي مويه خفيفه علشان مايلين البسكوت
الطبقة الثانيه
في الخلاط علية قشطه وكاس سكر وملعقه كبيره كاكاو بودره
وتصب على كاس سميد ونصف كاس حليب بودره محموسين مع بعض
بعدين تفرد على البسكوت
الطبقة الثالثه
كاس ماء وظرف كريم كراميل وفنجان ونصف حليب بودره ونصف ملعقه صغيره نسكافيه
توضع النار حتى تغلي ثم توضع في الخلاط مع خمس حبات بسكوت شاهي بعدين تصب على الطبقه الثانيه ثم يرش بكاكاو بودره ثم تدخل الثلاجه
وبس وش رايكم مهب سهل ومقاديره متوفره وطعمه جنان والله لايفوتكم
اخليكم مع الصور
مدري ليش ماطلعت الصور مع انها طالعه يوم اكتب الموضوع يافرحه ماتمت فرحانه اول مره انزل صور