السلام عليكم ورحمة الله وبركاته
أخواتي الغاليات
اليوم سويت حلا سهل جدا وصورته وقلت لازم أوريكم عشان تعطوني يالغوالي آرائكم لأني قد نزلته من فتره بس بدون صور
واللي تسويه ويعجبها ماأبي منها الى دعوه حلوه من قلب صادق ووالله أني مسويته من نفسي بدون
ماآخذ طريقته من أحد وأعجب أبو العيال مرره
المقادير:
بسكوت شاي مطحون على حسب الصينيه أنا سويت بصينية تشيز صغيره وحطيت علبه بسكوت
زبده سايحه
3ملاعق قشطه
تخلط مع بعض وترص في الصينيه
شوكلاته أولكر مربعات يمكن الأستغناء عنه
يرص في الصينيه
ثم يوضع في الخلاط الباقي من القشطه مع حبتين جبن كيري وحبتين بكوت شاي وفنجال حليب فانيلا وحبه دريم ويب وأذا كان خفيف زيدي بسكوت وأذا كان ثقيل زيدي الحليب
وصبيه فوقه كامل حتى يغطي الشوكلاته
ثم زينيه بالهيرشي السائل بخطوط وبعدين رشي شوي شوكلاتة نسكويك البودره
وبس وحطيه بالثلاجه وأذامستعجله خليه 10 دقائق بالفريز وبس وبالعافيه
وهاذي صورته بع ماطلعته من الفريز وفكيته
وبالعافيه على قلوبكم :26::26: