جبت لكم حلا حلو وطريقته سهله وما ياخذ منك وقت
وان شاء الله ما يكون مكرر الحلا
المقادير:
كيك جاهز بالفانيليا
1 قشطه
3 حبات جبن كيري
2 ملعقه طعام كاكاو بودرة
2 فنجال سكر
نصف بسكوت الشاي
1 كريم كراميل
2 ملعقه طعام حليب بودرة
كأس ماء
الطريقة :
يقطع الكيك قطع متساويه ويرص في صينيه و تسكرين الفراغات وتضغطينها بيدك حتى تتماسك
بعدين تحطين في الخلاط
1( قشطه - 3 حبات جبن كيري _ 2 فنجال سكر _ 2 ملعقه طعام كاكاو بودرة )
وتخلطينها حتى السكر يذوب
بعدين تجيبين قدر على النار و تحطين فيه (1 كريم كراميل _ 2 ملعقه طعام حليب بودرة _ كأس ماء فاتر )
انتبهي هذه الخطوة مهمه تحركينها بستمرار حتى تسخن بشرط بدون غليان اذا غليت بتخرب ...
وترجعين تحطينه في الخلاط مع المقادير السابقه
وتحطين بسكوت الشاي
و تخلطينه زين وتصبينه على الكيك هذا شكله
وتحطينه في الثلاجه حتي يبرد
و قطعيه و هذا الشكل النهائي له
اقتراح:
ممكن تستبدلين الكيك الفانيليا بكيك الشوكلاته وما تحطين في الخلطه اللي في الخلاط كاكاو علشان تصير لونها اصفر
يعني تطلع من تحت لونها اسود والطبقه اللي فوق لونها اصفر
جربوها ان شاء الله تعجبكم
وبالهناء والعافية
واي سؤال انا حاضرة