السلام عليكم
كل عام وانتم بخير
الى اصحاب القلوب الرحيمة يابنات
تكفين ترى تكفين تهز النساوين
ابي الفزعة انا لقيت بسوق الاكلات الشعبية وحدة تبيع حلا ياحظها
حلا دائري على حجم حبة الاوريو طبقات بعلب بلاستيك كل حبة اوريو لوحدها
والحبة بريال
والحسابة بتحسب
طبقة حبة اوريو كاملة مغموسة بحليب بدون تكسير
والطبقة الثانية كانها توفي لونها بس جنااااان
وسالتها قلت شلونك
قالت بخير
قلت شلون اهلك
قالت بخير ولله الحمد
قلت الجو روعة اليوم
ضحكت قالت اي والله براد
قلت لاهنتي ابي اسالك عن طبقة اللي فوق الاوريو
قالت ورى ماتقشين عفشك وتمشين
قلت لها وانا اضحك لا من جد والله وشي الطبقة هذي
قالت علينا مرسلتك حصة عشان تبي تسوي زي حلانا حنا يوم سالناها عن المرقوق ماعلمتنا....
المهم عيت تعطيني الوصفة
ونزلت دمعتي ...لكنها رجعت فجاة
تدرون ليش
لاني تذكرت بنات حواء القرمات
الشهمات
اللي قال عنهن الشاعر
انا اشهد انهن لاتحيزمن كفن
يردن القراح ويرتون بالزلالي
كيف الحال
الزبدة
ابي وصفة حلا الاوريو اللي ماهو مكسر
ماابي اللي مفتوت اعرفها
ابي الحبة لوحدها مغموسة بحليب رطبة
والصوص فوقها طبقة بعدين حبة ثانية طبقة بعدين الصوص
اربع طبقات
اسال الله ان يرزق من تساعدني بالذرية الصالحة واللي ماتزوجت بالزوج الصالح
ويوفق اللي تعرف واللي ماتعرف
ويبلغنا واياكم رمضان ويتقبل منا ومنكم صالح الاعمال
ورمضان كريم
اناميين @anamyyn
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
كل عام وانتى بخير
اسلوبك روووووووووعه وضحكتيني وانا خاطري الليله مكسووووووووووووووور وواصله حدي
والله ياقلبي ما اعرفه وياليت البنات مايقصرون معاك