حلا طبقات فخم وسهل وطعمة واااو ...

السلام عليكم ورحمة الله وبركاااتة 

كيفكم ياااحلواات «« ان شاءالله بخير ...

المهم جبت لكم حلا على قد ماجربت 
 وصلحت اشكال وأنواع الحلويات
«« هو الوحيد اللي يضبط معااي من أول مرة وأثق فية لما بروح لأي احد ...
وحتى طعمة شي ثااني ويصلح مع العشا
وسهل جدا جدا وماياخذ وقت ...

ويمكن اغلبيتكم يعرفوة لكن ماعلية
الا مافية وحدة منكم ماتعرفة وانا
نزلتة عشان اللي مايعرفوة «« اخلصي بسرعة صار لغز هههههههه
المهم اللي تعرفة ترفع اصبعها واللي 
ماتعرفة تقول مااعرفة عشان اتحمس
اكثر واكثر وانزل لكم حلويات ثانية ههههه


نبدأ «« اول شي قولوا بسم الله
المقادير: 
- الطبقة الاولى : باكيت بسكوت اولكر ...
- الطبقة الثانية: علبة قشطة
 مع 7ملاعق حليب بودرة ...
- الطبقة الثالثة: ظرف كريم كراميل ...
- كاوكاو بودرة حسب الرغبة ...

الطريقة: 
 الطبقة الاولى : نغمس البسكويت بحليب سائل ونرصة بالصينية ...
الطبقة الثانية : نخلط القشطة مع الحليب
ونصب نص المقدار فوق البسكويت ...
ثم نكرر نفس الطبقة الاولى فوق القشطة
بسكويت مغمس بحليب ونصب فوقها نص المقدار الباقي من القشطة ونحطها بالثلاجة
الى ان تجمد وفي هالفترة
نسوي الطبقة الثالثة :
نحط بقدر مقدار كوب ماء ونضيف علية
الكريم كراميل ونحرك الى يقارب ان يغلي
ونحط علية كاكوا بودرة على حسب رغبتك ،
ونحركة الى ان يغلي ، ونطفي علية 
ونتركة الى ان يبرد قليلا ،
ونصبة فوق طبقة القشطة وندخلها
الثلاجة الى ان تبرد وتقدم باردة 
وبالعااافية عليكم ...
ملاحظة مهمة : اذا جيتي تصبين طبقة
الكريم كراميل ( لاتكبينة على طول، لابد من طرف الصينية وبشويش عشان ماتخترق
القشطة وتخرب وتحوس عليكم ) «« متعوب 
عليها ذا الجملة اتمنى فهمتوني ...

ملاحظة ثانية : اذا حابة تزينيها لايردك شي 
انا كان ودي ازينها بجالكسي مبشور 
لكن ماكان عندي ...

http://img822.imageshack.us/img822/2761/imagemmsz.jpg

هذي صورتها اللي معاها بسبوسة سوتها اخت زوجي .
اذا جربتوها وعجبتكم ادعولي ...