حلا قهوه في ثلث ساعة بس!!

يسعد مساكم بكل خير..

جايه وجايبتلكم اسرع وألذ حلا مستعجل

هذا ينفع في الزنقات يعني لو اتصل عليك احد قال بنسر عليك

اطمري وسويه ثم روحي تجهزي واللي يشوفه يقول هذا متعوب عليه!

المهم ما اطول عليكم هذي المقادير والطريقه...

تعرفين كيكة يمامه.. اللي في مغلف ازرق وهي مستطيلة الشكل ومحشوة بالوسط؟

جيبي صينية الحلا اللي بتسوينه فيه وخذي الكيكة واقسميها من الوسط يعني تصير شريحتين وصفيها بالصينيه

ثم جيبي الخلاط (ماغيره حق الطماطم) وحطي فيه ظرف دريم ويب وعلبة قشطة و17 حبة بسكوت الشاهي؟؟!! ( أبوك يالدقه)!!

وملعقة صغيرة نسكافه .. وبعدين على النار سوي كريمه الصفراء بس خليها ثقيله شوي

يعني اذا تحطين بالعادة عليها كاسين ماء حطي كاس واحد بس وخليها لين تغلي كأنك بتسوين كريمه

ثم حطيها مع باقي المقادير بالخلاط

وخليه يخلط شوي عشان الدريم ويب يضبط ..
ثم صبيه بالصينيه فوق الكيك

ثم رشي الوجه ببودرة كاكاو أو لوز مبشور أو فليك أو أي شي عاد أنت وذوقك..

وحطيه بالثلاجة بيطلع حلا جنان..

عاد بعدين قطعيه وحطيه بالاوراق أو اذا بتحطيتنه بصحون مثل حلا العشاء..

وبالعافيه على قلوبكم..