هذا اول حلى احطه في منتدى الحلويات انشاء الله يعجبكم وانا واثقة طعمه جناااااااان
وبسيط ما يحتاج وقت وجهد وسميته حلا القصدير لانه بينعمل بالقصدير
واوريكم صورته قبل ما اقلكم المقادير عشان اغريكم :42:
للاسف الصورة مو واضحة يلا لقيت موقع تحميل شغال وبصراحة الصورة من الكتاب لأني عملت الحلا لشهر رمضان وحطيته بالفريزر
نجي للمقادير :
كوب كاكاو بودرة
كوب سكر ناعم
قالب زبدة المراعي 200 غرام
كوب معجون التمر ( ممكن تجيبيه جاهز او تعجنيه بالبيت )
علبة ونص بسكوت شاي مكسر
تحطي قدر في حمام مائي على النار وتصبي فيها المقادير طبعا لو حابه تصبيها كلها عادي ولو ودك ترتبيها طبعا تبدي بالزبدة والسكر وبعدين التمر والكاكاو
المهم البسكوت آخر شي
تقلبيها على نار هادئة في الحمام المائي طبعا وكل ماكانت النار واطية كان افضل
حتشوفي الزبدة تذوب وبعدين السكر والكاكاو والتمر تقلبيه معاهم بملعقة خشب لحد ما يمتزج تماما
بعدين تضيفي البسكوت على دفعتين
وتحركي لين ما يمتزجو تماما وتطلعي اللي لابد بأسفل القدر وتقلبيهم
تنزيلها من على النار
وتجيبي قصدير كبير وتفردية وتمسحي عليه شوية زيت وتصبي نص المقدار
وترصية بشكل طولي والصورة حتوضح لكم
بعدين لفيه برفع القصدير لفوق وبرمه مع الخلطة ويكون المكان ممسوح بزيت عشان يسهل لك بعدين فكة
ولفيه لفة كاملة وقفليه من الاطراف
مثل ما انتي شايفه
دخليه الثلاجة مدة خمس ساعات او الفريزر لساعتين
وفكيه بهدوء وقطعيه شرائح
وقدميه مع القهوة
ملاحظة : كمية الكاكاو حسب الرغبة والكمية اللي حطيتها طالع طعم الكاكاو قوي اذا حابة تخفيفيها بذوقك
والمقادير انا حطيتها حق كميتين اذا تحبي تسوي وحده حطي نص المقادير
وانشاء الله اكون افدتكم وسهلتها لكم لأنها مره سهلة لا يغركم الخطوات
وارضوني بردودكم ازا عجبتكم ولا لا :(
انا اعمله بدون زبده ياكرهي للدسم
واحط عليه عليه قشطه جربيه بالقشطه الذ لانه سبق عملت نفس طريقتي وشفت الاطعم بالقشطه