السلام عليكم ورحمة الله وبركاته
اليوم جايه وجايبه لكم حلا راح يعجبكم ميه ميه..
وهو سهل جدا وروعه وكشخه ويصلح للقهوه والعصير..وكأنه جااااااهز
ماراح اطول عليكم راح اتركم مع الحلا>>وربي طاحت سعابيلي وانا صايمه:23:
المقادير:
باكيت خليط كيك العلالي بالشكولاته
علبه حليب مركز نستله مقاس وسط
5 حبات جبن كيري
بسكوت سمسم(يجي في علبه اسطوانيه عباره عن بسكوت دوائر مفتوح من الوسط تراه قديم مرهومن فوق عليه سمسم اذا تذكرونه كان كيسه احمر )
4 باكيت كريم كراميل
2 كاس سفن اب
الطريقه:
نصلح كيكه العلالي على حسب التعليمات من الخلف ونضع الخليط في صينيتين مدهونه بالزيت عشان تكون الطبقه رقيقه وندخلها الفرن الين تستوي من الاعلى والاسفل ونخرز السكينه فيها عشان نشوف مدى استوائها>>لان لونها اسود مايبين الاستواء فيها..(يعني باختصار نسوي كيكه عاديه حسب التعليمات بس نحطها في صينيتين كبار عشان الطبقه تكون رقيقه جدا)
وبعد ماتستوي الكيكه نطلعها من الفرن ونضع في الخلاط(من نص الى ثلاث ارباع علبه حليب نستله مع اربع الى خمس حبات جبن كيري)ونخلطها جيدا..ثم نسكبها على الكيك في الصينيتين بالتساوي باستخدام الملعقه الى ان يتغطى السواد كله..مجرد طبقه رقيقه..
وبعد ذلك نصف حلقات بسكوت السمسم جنب بعض مع مراعات وجود فراغ بين كل حلقه عشان التقطيع بعدين..
وندخلها في حراره الفرن فقط خمس دقايق عشان يمسك البسكويت بالخليط..من دون اشعال الفرن..
ثم ندخلها الفريزر..
وفي هذه الاثناء..
نحظر قدر ونضع فيه اربع باكيت كريم كراميل مه 2 كاس سفن اب.. ونجعلها تفوح على النار بعد التحريك فوحه وحده(اي الى ان يصعد الخليط على شكل فقاعات وينتفش ثم نطفئها)
ونجعلها تبرد قليلا..ثم نخرج الصينيتين من الفريزر ونسكب الخليط السابق عليها..واهم شئ اهم شئ تتغطى حبات البسكويت والفراغ اللي بالوسط بالخليط اما الفراغات اللي على جنب مايحتاج..
وبعد ذلك نحضر علبه بيكنج بودر فارغه..ونزيل عنها الغطاء..ثم نقص الجهه الاخرى بالسكين..فيصبح لدينا اصطوانه مفتوحه من الجهتين حتى يتسنى لنا تقصيص الكيك دوائر متساويه ومرتبه..
بعد ذلك نقطع الدوائر بعلبه البيكنج بودر بخفه وسهوله وذلك بالضغط على الكيك فبتحصلينه طلع معاك بسهوله.. اهم شئ ماننسى ندهن الصينيه بالزيت عشان ماتنشب..
وبعد ذلك نصفها في ورق الحلا المخصص..او في صينيه..وتقدم مع القهوه باااااارده..
واذا تبونها كيك مع العصير تحطون الخليط بصينيه وحده عشان تكون سماكه الكيكه اكبر..
جربوها وادعولي وقولوا لي رايكم..
ترى شكلها صعب ومن الطريقه تحسونها صعبه بس وربي جربوها سهله حيييييييييييييييييييييييييييييل..:32:
وهذي الصوره مسويتها ومصورتها لكم وكنت مسويه فيها حلا قهوه..اتمنى تفهمون من طريقتي وعلى فكره تراني مو ذاك الزود بالطبخ يعني بس حلا وسندوتشات ومشي حالك:cook:
على فكره شكلها بالتصوير مو ذاك الزود بس لما تحطونها بالصينيه او بورق الحلا رهيييييييبه
اتمنى تعجبكم وعلى فكره هذي اول مشاركه لي بالمنتدى
واتشرف اني اول وحده ارد على ها الموضوع الحلو
وتسلميييييييييييييييييييين عزيزتي