وعليكم السّلام ورحمة الله وبركاته ..

يا هلا وغلا , حيّا الله السّنعين كلهم ^_^




مادري كيف أفيدك , يعني ماحدّدتي لنا شيء معيّن ..!

بس بذكر أهم النّـقاط مادري هي المطلوبه ولالاء , وإن شاء الله تفيدك :



* أول شي طبعاً البيت لازم يكون نظييييف , وبخريه قبل لا تجي ..

والفناجيل والقهوهـ والتـّـمر , والبيالات والشاي والمكسرات خليهم جاهزات ..



* و طبعاً أول ماتجي المتعارف عليه تحطين لها قهوه , بعدين الشاي ,


* وإذا حبّـيتي بعد الشاي تحطين لها ( جاتوهـ ) مع عصير فرش ( طبيعي ) ,


* بعدهـ يصير العشاء جاهز ..



و تقريباً هذا أهم شيء ,, نجي الحين للحلويّـات والمعجنـّات :



"



عندك حلا الزبادي أسهل حلا ومقاديره متوفره بـ كل بيت /

- بسكويت شاي كبير + أصبع زبدهـ ..= أطحني البكسويت واخلطيه مع الزبده وحطيه بالصينيه يفضّل بايركس متوسّـطة الحجم ..

- بعدين جيبي علبتين زبادي + 8 فناجيل حليب بودرهـ + 4 فناجيل سكـّـر..= أخلطيهم بالخلاط , وحطـّـيهم على البكسويت مع الزبدهـ ..

- بعدين دخلي الصينيّه بالفرن , شووي بس لمّا تتماسك وطلعيها , يعني تقريباً 5 دقايق أو أقل , وخليها تبرد برا الفرن ..

- وإذا طلعتيها , جهزي قدر صغير حطي فيه / كآس مويا + ظرفين كريمه + ملعقة نسكافيه صغيرهـ أو كبيره على حسب الكاس تبعك , خليه يغلي شوي بعدين طفي النار عنه ..

- وإذا برد صبّيه ع الصينيّه أللي فيها الزبادي والبسكويت , ودخليه الثلاجه لمّا يتماسك ويبرد ..

- بعدين لمّا تطلعينه من الثلاجه قطعيه مربّعات وحطيه في أوراق البيليسه (( اللي تجي مثل حقت الكب كيك ^_^ ))


---


والحلا الثــّاني , حلا الشـّعيريّه الباكستانيه , لذيييييييذ جداً :

- بالأول تجيبين شعيريّه باكستانيّه وتكسرينها بس مو مره مره يعني مو لمّا تصير ناعمه ,, لا لا شوي بس ..

- بعدين لمّا تكسرينها تحمسينها ع النار لمّا تشقررر , وتحطـّينها بـ باديه وتخلطينها مع 3 أرباع علبة نستله + باكيت بسكويت شاي أولكر , و مو تخلين الحليب المركز كثير , لأنه بـ يتعبك لمّا تقطعينها , خليها جافه شوي لا تكثرين الحليب المركز ..

- إذا خلطتيهم وخلصتي , خطيهم بـ صينيّه برضو بايركس أفضل ..

- بعدين جيبي قدر صغير وحطي فيه قشطتين + جالكسي سادهـ حبه أو حبّتين اللي تفضلين ,, لمّا يختلطون , بعدين صبّيهم ع الشعيريّه ..

- وإذا تحبّين تسوين حركه عليها , جيبي باقي الشّعيريّه الباكستانيّه وذرّيه فوقها , ودخليها الثلاجه تبرد , وقطعيها مثل ماتحبين وقدميها ^_^



---




عندك حلا ثالث برضو , حلا الدومينو , وبـ روايه ثانيه حلا ( الضومنه ) :

- بالأول نجيب بسكويت شاي ونغمسه بـ حليب سائل ..

- بعدين نجيب كاسين حليب بودرهـ ونحمسهم ع النار لمّا يشقر , ونحطهم بالخلاط ونحط عليهم / علبة قشطه + كريمه + زبدهـ ذايبه + نص كاس سكـّر , ونخلطهم زيين ما زين , ونصب نص المقدار ع البكسويت ..

- بعدين نغمّس بسكويت في حليب مرا ثانيه ونحطه ع الخليط اللي فوق ..

- والطبقه الثالثه هي باقي الخليط نحطه ع البكسويت (( يعني الحين صار عندنا بسكويت - خليط - بكسويت - خليط ))

- بعدين نجيب الخلاط مرا ثانيه ونحط فيه 8 حبات جبن كيري + ثلاث أرباع حليب نستله (( المركز )) , ونصبّه ع الخليط في الصّينيّه ..

- بعدين ندخلها الفرن ويكون حااار جداً , وخليه شوي بعدين سكري عن النار , وخلي الحلا بالفرن تقريباً ربع - ثلث ساعه , بعدين طلعيها ودخليها الثلاجه تبرد ..

- وإذا طلعتيها يصير عندك هيرشي , أو ممكن تستبدليه بـ ملعقة قشطه مع كاكاو بودرهـ ,, المهم خططي بالهيرشي الحلا ع شكل الدومينو ( الضومنه )

وهذا شكلها إذا ناسيتها =)



---



- برضو عندك الكب كيب , مررررا سهل تجيبين خليط كيك جاهز وتسوينه , وتحطينه بالأوراق , وتدخلينه بالفرن , وإذا زان تحطين عليه أي صوص يعجبك , وتذرّين عليه فليك أو تزينيه بـ حلاو m&ms ..


- كمان عندك أطباق تسوّينها من العجينه (( دونات - لقيمات - سينبون - خليّة نحل ))


- وعندك البف باستري ..



* و بكذا نكون خلصنا من الأشياء اللي مع القهوه , وإذا مو عاجبتك خبريني وأجيب لك غيرها :)



"


نجي للشاي , طبعاً مايبي له شي , سوّي لك العجينه اللي أنتي معتمدتها بـ طبخك , وشكـْلي , يعني ممكن تحطين

- بيتزا - فطائر باللحمه أو بالجبن أو باللبنه أو بالدجاج ..


- وعندك برضو ورق عنب وكبّه ويفضل تشترينهم من برا أسهل لك ..

- مممممممم عندك سمبوسه برضو تنفع مع الشاي ..

- وتورتيلا , سوّي لك حشوة دجاج وأدهني خبز التورتيلا بالمايونيز وحطي الحشوهـ ولفّيها , ويكون أحسن لو تكبسينها بالآله =) ..


وأشيااااء كثيرهـ , بس هذا اللي يحضرني الحين ,, ومن عيوني لو ماعجبك شي , أو تبغين زياده :)


"




نجي للعششاء :D


عاد مادري هو جاهز أو من برّا , ع العموم حطي لك كذا سسلطه , وبقولك بعض السلطات اللي معجبتي :




* سلططة المدري وش اسمها :D

- تجيبين لك مكرونه قودي ( خواتم ) اللي تجي دائرات صغار , وتسلقينها بـ مويه بس ..

- وتقلين لك بطاطس مقطـّع مكعـّبات صغار + خبز مفرود برضو مقطـّع إلى مكعـّبات صغار ..

- ممكن تضيفين بقدونس وخيار وطماطم مقطعات صغاااار ..

- تخلطين الأشياء السابقه كلها مع مايونيز , وتحطينها بصحن التقديم ^_^


---



* وعندك التبّوله :

- جيبي "حزمــة " بقدوونس + حبّـتين طماطم + حبّتين خيار + وإذا عندك حبحر بارد " الفلفل الأخضر" يكون أحلى + نصف ليمونه + ملعقة زيت زيتون + كاس بــرغل ..

- أول شي نقعي البرغل بمويه تقريبا ً نص ساعه , وقطعي الطماطم والخيار والفلفل صغاااااار صغاااااار , وافرمي ابقدونس يعني خليه مرررا صغييير ..

- بعد مانقطع الطماطم والخيار والفلفل ونفرم البقدونس , نحطهم بـ باديه ونحط عليهم ملعقة الزيت زيتون و نعصر عليهم الـ نص ليمونه , ونخلطهم بالبرغـل وشويّـة ملح ..

- و حطيها بـ صحن التقديم وزينيها بـ ليمون وشرائح الطماطم ^_^




---




* كمان سلطه ثانيه :

- أول شي جيبي بطاطس + باذنجان , تقطعينهم مكعـّبات صغار وتقلينهم ..

- حمّص + ذرهـ ..

- بقدونس + خيار , تقطعينهم صغار ..

- تخلطين كل ماسبق ذكرهـ مع شويّة فلفل أسود وملح وليمون ..

- ونسوّي الصوص بتااع السلطه اللي هو عبارهـ عن :
(( مايونيز - زبادي - طحينه سايله << انتبهي طحينه مو طحينيّه ^_^ ))

- والمقدار على حسب يعني مو محدد , على حسب الكميّه تسوين الصوص =) ..

---

* وممكن تحطّين مع العشاء (( سمبوسه - بيتزا - فطائر - كبـّـه - ورق عنب ))


* برضو عندك مكرونه بالباشاميل , وإذا تبغين طريقتها أنا حاضرهـ ^_^ ..


* أكلات شعبيّه (( جريش - قرصان ))


---

* نجي الحين لـ حلا العشااء /


- فيه الكريمه , و فيه الـ جلي , وفيه الـ كاسترد ..




* وعندك حلا التويكس :


- بالأول تجيبين بسكويت شاي أولكر وتغمسينه بالحليب تحطين طبقتين , يعني بسكويتين ع بعض ..

- بعدين تجيبين الخلاط وتخلطين فيه (( علبتين قشطه + ظرف كريمه + 6 أصابع تويكس )) << مع الإنتباهـ لتكسير التويكس قبل علشان مايخرب الخلاط *_^ ..

- إيوى بعدين تصبين نصف الخليط ع البسكويت ..

- وتحطين طبقه ثانيه من البكسويت فوق الخليط ..

- وتحطين فوق طبقة البسكويت باقي الخليط ..

- (( يعني يصير عندك طبقة بسكويت بعدين طبقة خليط بعدين طبقة بسكويت بعدين خليييط ))

- وإذا حبّيتي تزينينه ممكن ترشّين عليه / فليك .. وخليه يبرد وقطعيه قطع كبيرهـ شوي لأنه حلى عشاء ^_^



---


نجي الحين لـ صف العشاء , إذا بتحطينه بالأرض , بعد ماتفرشين السفرهـ وتحطين عليها المويا والمشروب الغازي والكاسات والملاعق والشوكات ,

بعد ماتحطين هذولي جيبي مناديل السفرهـ وسوّي فيها حركه :


- يا أنك تجيبين مناديل السفرهـ , وتلفينها ع شكل شماغ يعني مثلثه , بعدين تاخذين الطرف الاول وتلفينه ,
وتاخذين الطرف الثاني وتلفينه (( يعني يصير كأنه القبعه حقت الطباخ :D )) , المهم بعد ماتلفينه كذا , تحطّينه بوسط الكاسات ..

- أو بدل ماتحطين المناديل بالكاسات تسوّين فيها حركه وتحطين فيها الملاعق مثل كذا بس تصير على شكل × يعني الشوكه فوق الملقعه وبينهم السكين ^_^


---


- طبعاً ترتيب السفره , يكون الطبق الرئيسي بالوسط , وع الاطراف المشروبات والملاعق والكاسات ومناديل السفره ,
والصحون الفاضيه , وصحن جريش إذا بتسوين , وصحن الحلى , وبادية الكريمه , والكلينيكس لا تنسينه ..

- وبالوسط جنب الطبق الرئيسي تحطين الكبه وورق العنب والمعجنات , والمكرونه والسلطات ومعاهم الملقعه الكبيرهـ اللي تشيلين فيها ..


---


* وبعد ماتخلصون عشى جيبي البخور , وبخري الضيوف :icon28:

* وبـ كذا نكوووون انتهينا من العزيمه الحلوه وإذا محتاجه أي شي لا يردّك ألا الكيبورد ,,
وأتمنـّى أتمنـّى أتمنـّى أنـّي أكون أفدتك , لأني من قبل العصر وأنا على موضوعك وتوني أخلص :icon28:


* وأهممممم أهممممممم شي سوّي على قدكــــــــــــم مو تكثرين وهو ماله داعي ..


* وإن شاء الله تبيضين الوجه , وتعدّي هالعزيمه على خير , ولا تنسين تبشرينا وش صار *_^











* تــــــــذكرهـ :

قال تعالى : (( وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ
الشَّيَاطِينِ وَكَانَ الشَّيْطَانُ لِرَبِّهِ كَفُورَا ))


و قال تعالى : (( وكُلُوا واشْرَبُوا ولا تُسْرِفُوا إنَّهُ لا يُحِبُّ
المُسْرِفِين ))


....








بالتوفيق يا بعدي :39:

اهم شي الترحيب والابتسامه لاتفارق وجهك
اذا جايه من مدينه بعيدها دخليه الحمام تخدلها تش جهزيله افحم والعوده والعطر والملابس...

الله يعطيكم العافيه كل من شركني فرحتي بقدوم عمتي ام زوجي والله يبعد وجهكم عن النار ويرزكم برضي عمتكم عليكم قبل كل شى رضي الله ثم الولدين وازوجكم لا تنسنهم بعد ارضوهم ولي باقي متزوجت الله كريم ***** الله يرزقها بزوج صالح ودريه صالحها ***** الله وعلى فكره اكيد بيكون وجهي بشوش وفرحانه من قلبي وليس مجمله والله واشكر اختي ابعاد على اقتراحته في تجهيز صفرت العشاء واطباق الحلو الجميله والله من غير مجمله الله يعطيك العافيه من جد يسلم ايدك على كل شى قلتيه ومانسا الاخوات الباقين من الشكر واقول لكم اني تحمس والله زياده يوم شفت افكركم وتحمست نصايحكم وبشركم اني بديت وجهزت الحلويات واسفه علي الاطاله امس مقدرت ارد عليكم كنت في السوق اخت كل الي يحبه قلبه واقول لاخواتي اتقو الله في ازوجكم وامهتهم تواضعو تواضعو واصبر مهم كان هدي زي امك مهم يصير استغفر و الله واتواليه لا تتوقعون اني عروسه جديده لا والله بس ادي حبيتي زوجك واهله اخلصتي له العشره شكرن يام غيوض جهزت كل شي بس منتي معزو مه العزيمه بس للعائلة خليه مره ثانيه بس خلي بناتك يجون مع جدتهم

ابدي اهتمامك

حلا مع القهوه غير التمر

واذا كان فيه قبل الغداء قدمي لها عصبر

حاولي تعرفي الاكل اللي تحبه للغداء وشكلي

مع قهوه المساء حلا وموالح

اذا طلبت سجاده الصلاه انتي افرشي لها وعطريها قبل الوقت

البخور اسألي ان كانت من اللي يسبب لها حساسيه الصدر

والعشاء يكون فيه تشكيل وفيه حلا عشاء

عند تودعه اعرضي عليها الجلوس مده اطول وان رفضت قولها اتمنى زيارتك لنا مره ثانيه

الله الله في العلوم الطيبه وبس