مبارك عليكم الشهر أخواتي و كل عام و أنتوا بخير ..
الله يجعلنا من عتقاء هذا الشهر الكريم نحن و من نحب ..
قبل ما أبدي بالطريقة أهدي لكم هذه الـومـضـة :
]
إنه كلام ولكنه كلام الرحمن وهو السبيل إلى طمأنينة القلوب ..
(( أَلا بِذِكْرِ اللَّهِ تَطْمَئِنُّ الْقُلُوبُ )) .
وهو الطريق إلى رضا الرحمن..
كيف لا وفيه الوعد والوعيد، وفيه أسرار العبودية والتوحيد ، وفيه أنوار الإيمان وألطاف الإحسان.
فما أجمل الحياة مع القرآن !..
وما أحسن تلك الأوقات التي تنظر بعينيك إلى تلك الآيات التي هي سبيل سعادتك ومفتاح نجاحك !..
إنه القرآن.. بابك إلى الجنان، وشفيعك من النيران، فتمسك به ..
(( فَاسْتَمْسِكْ بِالَّذِي أُوحِيَ إِلَيْكَ إِنَّكَ عَلَى صِرَاطٍ مُسْتَقِيمٍ )). . . . ]
هذا الحلو عبارة عن تطبيق لموضوع سابق في نفس القسم ،
جزا الله واضعـة الطريقة كل خير ..
أول شي الحلو ماكنت أبي أسويه لأنه سهل و مكوناته بسيطه ،
و أنا كنت أبي أسويه لبيت جدي و هم أبداً أبــــداً ما يعجبهم هالأشياء
و لا ياكلون أي شيء -- > ذوقهم صعب جدآ في الأكل !..
المهم سويت هالحلو قلت عشان خاطري أنا اللي باكله مو هم :35:
و يوم وديته ما شاء الله كلن خذا منه ..
و ما مرت عشر دقايق إلا و تم التشطيييب عليه !!
و الله كنت أطل على صحووونهم فاااضيه ما خلو شي بسم الله عليهم
و هالأمر يعتبر سااابقه تاريخيه عندهم :hahaha: !..
المهم طولت عليييكم خلونا نبدأ بالمكونات :
1 علبة كيك كاكاو
18 حبة أوريو
1 دريم ويب
ربع كأس حليب سايل ( احنا نسميه كرنيشن يعني مو الطازج )
1 شوكولاتة مــارس
-- > المكونات السابقة نخلطها بروحها في الخلاط
1 قشطة + 1 دريم ويب -- > نخلطهم بروحهم و ما راح نحتاج خلاط
\
الطريقة ..
نصف كيك الكاكاو في الصينية و يكون شرايح سخيفه -- > يطلع ألذّ
و بعدها نصب فوقه الخليط الأول
نخليه في الثلاجه إلين ما يجمد ، و بعدين نطلعه و نصب عليه الخليط الثاني
نصف الأوريو على الطبقة البيضاء مثل الصوره
و بعدها نزينه بالهيرشي
و بالعافيــــه علييييكم و إن شــاء الله يعجبكم :27:
تقبل الله منا ومنكم الصيام والقيام