اليوم سويت حلى قدرة قادر بطريقه مره بسيطه وحلوه وطلع جونان بس مشكلته يطول بالفرن
المقادير
اول شي ناخذ نص كوب سكر ونذوبه على النار حتى يصير كراميل وننزله بالصينيه
ثاني شي بالخلاط 3 بيضات وكوبين حليب بودره وكوبين ماء وفانليا ونص كوب سكر نضربها كويس بالمضرب او الخلاط ونصبها على الكراميل وهذا بيكون كريمه قريب من طعم كريمة الكراميل الي تجي بالظروف الخضراء ..
ثالث شي بالمضرب بيضتين ونص كوب سكر ونص كوب زيت وكوب دقيق ونص كوب حليب سواء الصافي او نذوب ملعقتين حليب بنص كوب ماء
ونضيف بكنج بودر وفانليا وبعد مانضربها كويس نصبها على الطبقه الي فوق كلها بتكون سايله لاتستغربين شكلها ولاتحركينها
الخطوه الاخيره نجيب صينيه اكبر من صينيتك الي استخدمتي ونحط بنصها مويه ونحط صينيتنا بوسطها يعني نخليها تستوي بحمام مااائي
وبالفرن من تحت وتاخذ من ساعه الى ساعه ونص
خليها لحد ماتطلعينها وهي متماسكه وعلى طول على الثلاجه لمدة خمس او ست ساعات
وتمتعي باروع طعم خياليه وحلوه
واضح بالصور طبقة الكراميل والكريمه والكيك اخر شي
دعواتكم لي بتهوين حملي وولادتي ويجعل جنيني سليما واشفني من السكر
