حلفتكم بالله تدخلو و تنصحوني انا نفسيتي تحت الصفر

مساء الخير
ما بعرف كيف ببدا بالكلام المهم يلي بيعرف مواضيعي السابقو بتعرف اني مقدمة على الطلاق و رافعتها بسبب تعنيف زوجي و اشلوبه و شتايم و عدم احترام مع اني حاولت كتير انو ما اوصل لهالمرحلة ماقدرت لتحمل
بالمختصر عشت مع زوجي سنين كتير ١٢ سنه و طوال الفترة هي نعيش شهرين عادي و يجي مشكلة يضربني يطالع عيوني فيها و يضرب ضرب مبرح و استحقار و كلام كبير و تدخل امه بيتي بعدما هو يدخلها و تبدا بالشتاسم عليي هو وهي و بعدها نستمر ٢٠ يوم ما نتكلم مع بعض واخر شي انا اتعب واكلمه و نفرطها و نحكي و على هالشاكلة انا وهو حياتتا و ياما ضاربني ضرب موجع مبرح ادى لكسر بعضم جسمي او علامات ضرب ما تروح بعد شهر
حياتي معو اخر فترة كانت اقل من عادية نحنا ما النا شي خاص فينا كل حياتنا مع اهله طلعات مشاوير كله مع اهله ما فكر مرة يهديني شي تخيلو بعد ولادة بنتي و ابني ما فكر يهديني شي رغم انه مادياته ممتازة جدا ولا بيفكر يفاجاني بشي بحياته
بالايام العادية كان مافي كلام بينا الا قليل جدا جدا ودايماوالموبايل ماسكه و سهران لل ٤ الفجر و احيانا تخيلو ما ينام او ينام ساعه وحدة و ابتلى انا بايقاظه من النوم على بهادل ومسبات و اتحملسوء المعاملة لانه مو شبعان نوم و ما يكون زنبي
حتى لما كنت ارغب اجلس جمبه ما يخليني دايما يشغلني اعمله قهوة شاي او يعمل اي شي لحتى ما اجلس جنبه
اخر شي صارت مشكلة قام ضربني ضرب امام اطفالي وابني تعقد نفسيا ولحد الان ابني بيكرر المشهد امامه وهو ما طبق ال ٣ سنين كلما يشوف حد غريب يقلن ابي ضرب امي و دايما يقلي ابي مو شاطر لانه ضربك
خرجت من البيت ورفعت قضيت طلاق تخيلو ما فكر يصلح ولا فكر انو يتمسك فين لا هو ولا امه رفعت سماعه تحاول تصلح لانها كانت الها دور كبير باشعال الفتنه و تحريض زوجي اكثر عليي و ازلالي و ضربي ادامها مع انو والله كنت حاول كتير اتقرب منه ماقدرت
تخيلو كان يبخل عليي بال ١٠٠ درهم اولما عرف اني رفعت قضية طلاق وكل محامية دفعلها ١٠ الاف على الاقل و كتب عني كلام كتيررر عيب عيب ينكتب يا بنات عقلي مو متحمل اقسم بالله
كتب اني مجنونة وحاولت انتحر و اني ما اصلح اربي اولاده واني بتزين للرجال الغرب و اني بخرج من البيت بدون علمه و اني بقذف محصنات وبتكلم بشرف و عرض الناس وكله ظلم وافتراء الله بيعلم
قلبي عم يوجعني كتير كل لحظة عم تمر عم اتالم كتير يا بنات عم اتمنى موت والله رحمة الله اكبر من قساوة العباد
معقول بس لاني رفعت عليه طلاق لانه ضربني ضرب مبرح جدا امام اطفالي يكتب عني كلام عيب ينكتب واطلع مجنونة و حاولت انتحر
والاكثر من هيك مصور كل شي بوستات انا ينزلها ع الفيس ... بنزل مشاكل لسيدات بيطلبو انزلهم من غير اسم مصور مشاكل مكتوبين و مشاكل هو اخترعن من عقلو وصورن لحتى يقول للقاضي اني مجنونة واني بتعامل بسحر واني ما بصلح اربي ولادي
ما في اي تمسك فيني ... همه الاول رجولته هو و شانو هو امام امه واهله ولا مرة ضربني و طلب يرجعني دايما يضربني و يكسرني واهرب وارجع لبيتي بالنهاية الا هالمرة قررت ما ارجع و اطلب طلاق بدون رجعة يس قلبي واجعني كتير ررررررررررر
خايفة من الطلاق و خايفة يقدر يسحب مني اطفالي و خايفة اتشرد انا ما عندي لا اخ ولا اب و لا اي حدا اعتمد عليه
كيف برفع معنوياتي وقلبي بكل لحظة عم حس بوجعو ومو مستوعبة اني لح ابقى لوحدي بعد طلاق
عم حاول اتطلع للامام و ادور علر وظيفة قدمت بكل الاماكن لكن ماحدا تضل فيني عجزت و ياست
انصحوني مشان الله اقسم بالله عم اكتب و عيوني و قلبي عم يبكو من حااي يلي انا فيه
مرات بفكر ارجعله بس الرجعه يعني اهانة لالي و ذل و بهدلة ... زوجي اخر مشكلة صارت قال لي امام امه كل مؤة برميكي بترجعيلي متل اللزقو و قالي امام.امه كمان كل مرة بتروحي بترجعي متل الكلبة و انا مابدي كون كلبة ولا لزقة والله كنت ارجع لان مالي مكان غير ولادي وبييتي لاني بخاف من المجهول
قلولي شو للزم اعمل نصحوني ساعدوني