حلف زوجي

السلام عليكم ورحمه الله وبركاته
بدخل ف الموضوع ع طول يوم الاحد ف الليل زوجي جالس ع اللاب توب يخلص شغله شوي كذا شاله وبيطلع قلت له وين بتروح اجلس خلينا نسولف قال بطلع الحوش وبكلم اي احد يجيني قلت انا والله تجلس احسن لك قال يوه وش فيك انتي بتحبسيني عندك وش اجلس اسوي وطلع،،والساعه يمكن ١ارسلت له الووو مارد جاء الصبح يصحي ولدي لروضه قال باخذ معي فطور قلت لا انا صايمه اليوم الاثنين قال ليش ماقلتي لي ولا استأذنتي مني قلت ارسلت وما رديت المهم جاب الفطور بعدها بوقت جيت باخذ فطوري قال ليش بتفطرين عشاني كملي صومك ابرك لك رجعت الفطور ورحت الغرفه قال اصلاً هي خربانه بيني وبينك وبتخرب قلت وش تقصد قال انتي تتميرضين عندي وعند اهلك بخير مافيك شي انا يابنات اذا تكلمت معاه كثير وتهاوشنا اختنق ماعرف اتنفس لدرجه مره من المرات اغمى علي المهم قال هو يمين بالله معد اللمسك ولا اتقرب منك انا حزت ف خاطري هالدعوه ليش كل هذا عشاني صمت الحين انا اطبخ ماياكل معي هو يشتري جاهز ماكله معه وهكذا احس اني مخنوقه مظلومه مدري صراحه وش اسوي وهو ولا مفكر فيني اذا هو مايبغاني يطلقني طيب لا يعاملني كني مسويه جريمه معليش طولت عليكم اسمحوني ،،