وصفتنا اليوم سهله و لذيذة و غريبه تحتارين و انتي تاكلينها ....وش مكوناتها ؟؟ ضيوفنا دايم يسألون وشو هذا ؟؟ ايش مكوناته ؟؟ وخصوصاً الرجال اللي دايماً ياكلون بس !!! بس عند هذا الطبق يتوقفون ويسألون
المطلوب ... خبز تورتيلا و حشوة دجاج مسلوق و منتف محموس مع شوي بصل و بهارتك المفضلة و تسوين لك شوية بشاميل و تخلطينه مع حشوة الدجاج اللي عندك ويفضل انك ماتضيفين اي خضار على الدجاج عشان ما يكبر شكل الحشوة ويصعب عليك لفها بالخبز.... بس هنا باقي عندي حشوة فيها جزر مبشور و استخدمتها
بعدين تحشين الخبزة الوحده كامله و ترولينها "تسوينها رول زي الشاورما و تقصدرينها و في الفرزير عشان تمسك معك .. انا احتفظ فيها بالفريزر لأيام و أيام
بعد كذا قطيعها حلقات ... و شكلها عموما ما راح يصير حلقات مستديرة بالضبط و حتى لو انفتحت اطرافها البيض و البقسماط راح يغلفها لك
غطيها بالبيض و البقسماط و اقلي ..............و استمتعي بأحلى طعم ... تذوب في فمك لا في يدك :)
من جد تذوب بسبب البشاميل يممممممممم طرية و لذيذة و بتاكلينها وحده ورى وحده "فصفص"
طبعاُ المفروض تكون أصغر من كذا بس اللي سووتها الله يهديها كبرتها و كثرت الحشوة المفروض أصغر
ملاحظة : ممكن تسوينها بالخبز العربي "المفرود" .......اذا خلص التورتيلا و بقى حشوة استخدمت خبز وما تفرقينها كثير
أتمنى تعجبكم و تراها لذيييييييييييذة لا تفوتكم