حلقات الجبنه بالبسكويت... شي غريب

السلام عليكم
من زمان وآنا محتفظه بطريقة هالمقبلات او كيفكم وين بتحطونها لقيتها بأحد المواقع ولكن امس قلت بجربها والحمدلله جربتها وطلعت فعلا غريبه ولذيذه حق اللي يحبون التغيير وهذي هي المقادير:

علبة جبن فلادلفيا
نصف كوب جبنة فيتا
بسكوت مالح مطحون
بقدونس مفروم
فلفل أحمر مطحون
القليل من الزعتر

الطريقة
- يخلط نوعي الجبن بالشوكة إلى ان يتجانس الخليط
- يخلط البسكوت المطحون مع الفلفل والزعتر (بروحهم مو مع الجبن)
- تفرشين قطعة قصدير وترشين عليها خليط البسكوت
- يصب الجبن على وسط خليط البسكوت
- يلف القصدير مثل الرول عليهم حتى يتغلف الجبن بخليط البسكوت ثم يدخل الثلاجه لحين التقديم
- يقطع حلقات ويقدم

نصيحه جربوه
وبالعافيه