فعلا انا لحظت تخبط من كثير من البنات خاصه هنا في حواء تقدم على كل المناطق ومناطق بعيده جدا عن منطقتها وهي عارفه ان ظروفها ما تسمح لها تروح للمنطقه او ما تسمح لها تجلس فيها سنين لين يجيها الفرج وتقوم تحط اللوم ع الوزاره انها رمتها وتتحسب عليهم وتعيش دور المظلومه !! طيب هذا اختيارك يا اما اختاري وكوني قد الاختيار او اختاري منطقتك بس واذا لك رزق بتاخذينه المسأله مو اجرب حظي واشوف وش يصير واذا رموها مكان بعيد قامت قيامتها هذا اختيارك تحملي نتيجته اياَ كانت
حركاتهم هذي يضرون نفسهم وغيرهم لاتحطون الظروف شماعه لكل شي كلنا عندنا ظروف والتزامات ونبي الوظايف بس ما اتخبط في اختياراتي واحط اللوم على غيري

بوكيه ورد للبنات اللي معاي - وقشعه ناشفه للبقيه
هههههههههههههههههههههههههههههههههههههههه

وش اقول وش اخلي الله يكون في عون الجميع
طيب انا من تخرجت وانا اطارد اي وظيفة وﻻ لقيت من قوة الحاجة
لي 7 سنوات متخرجة تربوية منتظمة تقديري جيد
وللاسف مالقيت اخترت كل المناطق وﻻ جاني رزقي الحمد لله
خير وبركة
مدارس اهليه ماخليت وﻻ بقيت .. سبحان الله هالترم اتصلو علي مدرسة
تقول اشرحي اول وبعدها نقرر بس مارحت للاسف حامل وظروفي ماتساعدني
قبل يوم كنت فاضية ماجاني شي
الحمد لله على كل حال
كثير متخرجات ماجلسوا اﻻ سنة وتعينوا والله درجاتهم جيد منخفض
وكانوا انتساب مجرد السنة اﻻخيرة انتظموا
سبحان الرازق بس من اللي شاهدت حولي ان البنات اللي عائلاتهم وازواجهم
مبسوطين ماديا تشوفين الوظايف تتهافت عليهم ماشاء الله بارك الله ... الله يزيدهم وﻻيحرمنا واللي عاشت في بيت فقر وزوجها منتف .. يجلس الفقر يﻻحقها مﻻحق
الله كريم

يا حبيبتي عادي مو مشكلة اتوظف بقرية تبعد عن مدينتي 500 كيلو بس عطني حقي
مو معقوله اصير انا و معلمة نفس الراتب ونفس المميزات وهي بمدرسة بنفس مدينتها .....
انا اروح اسكن بغرفه ايجارها 3000 بالشهر غير الكهرباء والمويه والمعيشه وراتب السواق اللي يوصلني للقريه لانه اغلب القرى ما فيها شقق للسكن ...وتذاكر سفر اسبوعيا ...
لو فيه مميزات وشروط محد قال لا او ليش
انا جلست 14 سنه عاطله وجتني وظيفه بقريه ما قلت لا ما ابي لاني ذقت المر لحد ما حصلت لي الوظيفه بس عاد ارحمونا الله يعافيكم حط حد ادنى سنتين او 3 و انقلونا ,,,ما ابي بنفس ديرتي بس ع الاقل اطلع من بيتي ان شاء الله لقريه تبعد 200 كيلو بس اكون مستقره ببيتي عند زوجي وعيالي مو مشتته


للعلم بس فيه معلمات من قريتي حاطينهم بالخرج والاحساء وجايبين من الرياض والدمام معلمات للقرية ....لو فيه تنظيم وتدبير كان كل وحده حطوها بقريه بديرتها ....

اللي تعرف وحدة خريجة رياض اطفال ولم تتعين ترسلها هذا الهشتاق للحصر المعلمات والمطالبة برفع الاحتياج والمتبقي من المكرمة الملكية..ارجو التفاعل السريع
#خريجات_رياض_اطفال