السلام عليكم ورحمة الله وبركاته ..
فالفت روز & تعبت من الغربة
حياكم الله أخواتي.. منورين والله حلقتنا قرآني نبض حياتي ..أسعدتمونا وشرفتمونا بإنضمامكم ..
*.. ريحة الجوري ..*
أولا ً.. حابة أشكرك على هذا الشعار الجميل لأفراد حلقتنا و تمسيته بهذا المسمى الرائع بل الأكثر من رااائع .. جزاك الله خير أختي والله يسعدك دنيا وآخره .
ثانياً .. بالنسبة لتغيير خطة الجدول اللي اقترحته لنا أختنا *..زهره ريفيه..* .. من وجهة نظري .. بصراااحه حلووو كثير وأعتقد هو الأنسب للجميع لهذا أنا من المرشحين له .. لعدة أسباب :- أولاً تختيم سورة البقرة بتنتهي تقريباً في نفس المدة المحددة .. ونفس الوقت بيكون الحفظ اليومي سهل على الكل يعني مافي أي عذر للجميع في عدم الحفظ .. والـ 5 آيات بتكون قصيره وماتاخذ وقت طويل في الحفظ حتى مع كثر التكرار يعني تقريباً ربع ساعة إلا وأحنا أتممنا الحفظ غيب بإذن الله وماراح نستصعبها يومياً لأن بنظرنا شي سهل مقدار حفظه وفي وقت قصير جداً .. يمكن عكس لو كان صفحة لأن في البداية صح متحمسين و فينا طاقة ماشاء الله عاليه بس بعدين ماندري هل بنستمر على كذا ولا نتراجع أو بالعكس بنتقدم أكثر الله أعلم ..
طبعاً هذا الجدول الجديد مختلف عن الأول بيكون الحفظ هنا يومياً تقريباً .. ماعدا يوم الجمعة للمراجعة و الربط بكل ماسبق .. يعني هاليوم نصيحة للكل مايبغالنا نضيع وقتنا فيييه ..فالمراجعة بتكون مررره مهمه لنا حتى نتقن حفظ سورة البقرة عن ظهر قلب إن شاء الله ..
ثالثاً.. بالنسبة للجدول الأول من راي اللي ودها تحفظ وجه واحد و تمشي عليه على راحتها لأن شايفه في اللي يبي منكم نص وجه أو 5 آيات والبعض ممكن يبي يحفظ وجه واحد والبعض محتار .. شوفو بصراحه كل وحده تتبع الخطه اللي تريحها لأن الناس هنا مختلفة في القدرات وترى ماعندكم أي أشكاليه من ناحية مدة تختيم سورة البقرة أحب أطمنكم كلنا تقريباً بنختم في نفس المدة أنا أقولكم كيف .. شوفو معاااي
عدد آيات سورة البقرة = 286 آية
والمدة المطلوبة لحفظ سورة البقرة مثلاً نقول في شهرين يعني( 60 يوم )
والجدول الجديد حفظ 5 آيات يومياً من السبت إلى الخميس .. ماعدا يوم الجمعة مراجعة لكل ماسبق والربط بينهم.
يعني إن شاء الله كل أسبوع مخلصين حفظ ( 30 آية )
وفي الشهر أنتهينا من حفظ ( 120آية ) بإذن الله
وفي شهرين 120 آية +120 آية = 240 آية
باااقي 46 آية ماحفظناهم صح ..!؟
يعني لازم نزود مدة فوق الشهرين .. لو زودنا فرضاً بس أسبوع يعني بيكون منتهين بإذن الله من حفظ 30 آية ويوم الجمعه مثل ماقلنا طبعاً بتكون للمراجعه فقط .
طيب الحين..
نضيف شهرين + أسبوع = 240+30=270 آية
باقي 16 آية صح ؟؟
طيب نحفظ في اليوم الأول = 5 آيات .. واليوم الثاني = 5 آيات .. واليوم الثالث = 6 آيات
يعني نزود 3 أيام
والمجموع النهائي
شهرين + أسبوع+3 أيام = 286آية
يعني بإذن الله يكون تختيم سورة البقرة بالضبط للجدول الجديد في شهرين و10 أيام يعني خلال (70 يوم ) بالتمام .. والجدول الأول في شهرين و 13 يوم يعني خلال (73 يوم) إن شاء الله ..
رابعاً .. بعد ماننتهي بإذن الله من حفظ سورة البقرة .. إن شاء الله راح نتناقش في حلقة جديده أو في نفس هذا الموضوع حول وضع خطة لمراجعة سورة البقرة حتى يتم تثبيتها وترسيخها في الذاكره الطويلة و للأبد بإذن الله .. وهكذا نستمر لبقية سور القرآن الكريم بإذن الله .. وهذا من راااي .
أشوفكم على خير إن شاء الله :)
ملااااحظة :- ماأقدر أرااااسل رسائل خاصة مشاركاتي ماتسمح إلا لمن أوصل 50 مشاركة .. والحين للأسف ماأقدر أضيف مشاركات .
السلام عليكم ورحمة الله وبركاته ..
فالفت روز & تعبت من الغربة
حياكم الله أخواتي.. منورين...
بما إن البنات عاجبتهم فكره اختنا زهره ريفيه خلاص تعتمد الفكره وبتكون جدول حلقتنا