السلام عليكم
عاملين ايه يا حبايبي، 😘😘
بصو
انا السنة اللي فاتت كنت عملت تحاليل هرمونات لاني متأخرة ف الحمل،وطلعت النتيجة صدمة وهي ان مخزوني ضعيف وسن يأس مبكر وكدة وكان هرمون amh=0.64 وهرمون fsh=18.8
وكتبت موضوع هنا من يأسي
والدكتورة قالتلي حقن مجهري وفورا
لكن انا معملتش الحقن وفضلت من ساعتها وعدا سنة اهو
ظبطت اكلي وفيتامينات وبس
وبردو مفيش حمل فقررت حقن مجهري وامري لله
ف روحتلها عشان ابتدي فقالتلي اعملي تحاليل هرمونات تاني عشان نشوف الحالة وصلت لفين واحطلك البروتوكول المناسب وكدة
فعملت التحاليل اول امبارح وطلعت النتيجة amh=1.44
و fsh=6.35
هموت من الفرحة بس حاسة اني موهومة
الارقام دي بتقول اني كويسة واقدر احمل طبيعي بدون عملية، هروح للدكتورة بكرة عشان تقولي ايه الموضوع.
انا بس عاوزة اشاركم التجربة دي سواء ربنا كرمني وحملت او لا عشان غيري يستفيد ويعرف ان مفيش حاجة كبيرة علي ربنا وكله بارادته.
وكمان عاوزة اعرف اذا في واحدة عملت التحاليل دي قبل كدة هل الارقام دي تخليني احمل طبيعي فعلا ولا لسة محتاجة اكون احسن؟
حاجة اخيرة واسفة للاطالة
قبل ما اعمل التحليل الاخير دا كنت باخد بقالي 10 ايام كدة خلطة عسل النحل بطلع النخيل وحبوب اللقاح والدكتورة اللي قايلالي عليها.
تفتكروا هي اللي فرقت في التحاليل؟
دعواتكم لياا ♥️💕
هحقق حلمي @hhkk_hlmy
عضوة جديدة
يلزم عليك تسجيل الدخول أولًا لكتابة تعليق.
Amalia
•
الله ينولك اللي في بالك و يرزقك الذرية الصالحة يارب ❤️❤️❤️
تفاؤل
•
يارب يبشرك بالجنة ونعيمها ع البشارة الحلوة دي و يبشرك بالحمل و تولدي بالسلامة و يرزقني و اياك و كل من ترغب بالذرية الصالحة بدون ادوية و اطباء انه على كل شيءٍ قدير
الصفحة الأخيرة