شوفي ياحلوة اللي اعرفه حسب التفاسير اذا حلمتي انك جايبه بنت او ولد بيكون العكس بس اللي يحلمون فيك الناس هو اللي راح تجيبينه
انا ما احلم كثير بس شفت نفسي في محل اكسسوار وخذت ساعه وحلقين ولسه كنت بكمل التجميع وصحيت
يالله اللي تعرف تعلمني

معليش عندي لكم ثلاث احلام>>>>>>>>ما تنعطى وجه
حلمت اني عروس ولابسه فستان ابيض لكن مو حاطه مكياج وصحيت وانا ما انزفيت وقالوا لي بنت وفعلا خلفت بنت...
وبنت خالتي حلمت ان امها (اللي هي خالتي) عطتها دبله وخاتم وفسر على انها بتخلف توأم الدبله بنت والخاتم ولد وفعلا خلفت توم بنت وولد،،
وجارتنا بالحقيقه عندها جارة (ضرة) وكان نفسها في بنت حلمت انها معها دبله وخاتم و اخذت ضرتها الدبله وكانت تناظر الدبله ونفسها فيها سبحان الله حملت بتوأم واحد مات وواحد تم وخلفت ولد وضرتها حملت وخلفت بنت...

جدتي الله يطول بعمرها كانت حالمه ب3 قدور واحد قدام واثنين ورا
وحملت انا وبعدي اختي وبعدين بنت خالتي وكلنا جبنا بنات
وزوجة عمي لمن بشرتها قالت انا حالمه ب3 وردات ونفس الشي وحده قدام وثنتين ورا

أنا كثيير أحلم أني والدة بنت (( بس يمكن لأني أهوجس فيها وودي بالبنت ))
بس الحلم اللي أتكرر مرتين هو حلمت أن أمي تعطيني 500 ريال
مرة طلعتها من جيبها وقالت خذيها والثاني أنها تسأل عن الـ 500 حقة مين وأوقولها حقتي
وتفسير الـ 500 ريال في الحلم حسب ماقريت أنها بنت
ووسويت أشعة عادية وأشعة رباعية كلها قالو بنت .. وأحساااااسي يقولي أني حامل ببنت
يارب يتمم حملي وأجيب بنت حسنة الخلقة والعقل ويعطي كل وحدة ماتتمنى يارب ...
واللهم لك الحمد على مارزقتنا وعلى ما سترزقنا ...

انا حلمت بصقرين وسلسلتين ذهب

وقالو لي ان تفسير الصقر ولد والسلسله اذا ذهب معناته ولد

وبعد ما عملت الاشعه صارو صحيح اولاد ..

ربي يرزق كل وحده ما تمنت

اللهم امين