حلمت إني عروسة ! بس بشكل آخر(عذرا توجهى الى قسم تفسير الروئ

تعالوا يا صبايا اسمعوا حلمتي و فسروها
والله انها شغلت بالي ، أنا بنت عمري 18 ف سنة أولى جامعة وغير متزوجة ولا مخطوبة
وحلمت ليلة البارحة بأني عروس بفستان أبيض وجالسة في صالة الأفراح
لكن مش ع الكوشة مثل العرايس لا كنت جالسة أول الصالة قدام الكوشة في زاوية متغبية شوي عن الناس
المهم كنت جالسة مع واحدة ما أذكرها و لا اعرفها يمكن بعد هي مرة كبيرة في السن شوي
وقدامي طاولة و عليها علبتين فتحت العلبة الأولى ولقيت فيها خاتم ذهب أصفر والعلبة الثانية فيها طقم ذهب
المهم الحرمة الي كانت جنبي قالت لي المفروض ما تفتحيهم لأنهم هدايا من عند العريس و هو بيجي بعد شوية و يلبسك اياها ...!! قلت لها أنا ما أدري
المهم جا العريس واول ما دخل الصالة أنا تفاجأت هو كان كبير يمكن عممره فوق ال35 وفيه ع جنب شعر أبيض ما كان لابس شماغ ولا بشت بس ثوب
بس ما اهتميت لها الشئ كنت فرحانة
المهم راح يمين الباب كانت واقفة امه وسلم عليها و بعدين جا ليسلم علي وكان بيده ورد وانا ابتسامتي عريضة خخخ المهم كان بيني وبينه طاولتين فهو بس عطاني الورد و ما سلم عليي فجاني إحباط
وبعدين افتكرته حيروح الجهة الثانية ليجلس ليلبسني الذهب
هو راح بس لما قالوا له ,, قال بعدين وطلع
المهم أنا زعلت مرة مرة
وطلعت من القاعة و شفت المعازيم وناس اعرفها بس هم ما كانوا منتبهين لي
المهم رحت للشغالات سألتهم وين غرفة العروس وهم مستغربين وانا مستغربة منهم يعني ما يبين عليي عروس و دلوني ع الغرفة ورحت و لبست عباتي و طلعت رحت الصيدلية كنت أبغى شمع لإزالة الشعر ، بس ما لقيت و عطاني الصيدلي شي مثل اللزاق الصغير قال لي ما عندنا إلا هو !!!! أنا في الحلمة قلت يمكن هو طلع لأن انا ايدي كان فيها شعر :22:
عشان كذا رحت للصيدلية


وبس


بانتظار ردودكم
:) دمتم بود
يارب تكون خير