حلمت بالملك عبدالله اليوم ((وجلست متحسفه هههههه))

السلام عليكم
مرحبا بنات
انا هاذي المره الثانيه الي احلم فيها بطويل العمر ابو متعب
وانا تراني احبه في الله واعتبريه ابوي الثاني .
طبعا حلمت كن مظاهرات القطيف او شباب قطفيين يلحقوني كيف عرفتهم مدري ههههههه
المهم وفي جنود وعساكر وحاصروني ودخلت مستشفى حكومي كان جديد وراقي وكله زجاج
يطل على برا واشوف هالأوغاد برا ودهم يدخلون وراي وانا خايفه مره الا اشوف امير ضعيف جدا
ولابس بشت في الابعينات من عمره وماعرفته هو مين جالي يدفع كرسي متحرك
جالس عليه الملك عبدالله وانا طبعا ماكنت لابسه عبايه كنت لابسه جينز واخذت من الشارع
يوم اني اهرب من القطفيين جاكيت عسكري عليه رتبه جامده في الكتف ولبسته.
المهم جيت مديت يدي للملك وسلمت عليه وكان ابيض جداااا ومتين شوي كنه توه مركبين عليه
مغذيات فهمتوا علي؟؟؟
يعني يده كنها كي مويه وجسمه لين جدا يوم اسلم عليه وشكله مره حلو ومرريح وكنت مبسوطه جدا
سألني هو والامير الي واقف جنبه قالي انتي لواء بأي كتيبه؟؟
انا ضحكت وقلت انا هاللبس مش حقي لبسته من برا لقيته انا مطلقه لا لا انا ارمله وعندي ولدين ايتام
الا هالاوغاد القطفيين واقفين برا الزجاج ويدقونه ويطالعوني بحقد انا خفت كثيررر واعطيت ظهري للملك
وبغيت امشي ناداني بأسمي استغربت ورجعت قدامه وقالي يا فلانه ليتك كتبتي وضعك وطلبك بوريقه
صغيره علشان لا انسى وانا قلت له لا يبه ماابي الا سلامتك وانا بقلبي ودي اقوله ابي بيت وعماره
وسياره ههههه لكني استحيت منه كثير وحنانه وعطفه معي خلاني اخجل اطلبه لا يعتقد اني مصلحجيه..
وووووووووووووووووووووووش رايكم بالحلم زين او لا؟؟؟
وتتوقعون وش معناه؟؟؟
طبعا صحيت من النوم متحسفه ليه ماطلبت منه بيت وانا ماعندي بيت ملك ولاعندي امكانيه نهائيا بتملك بيت
واقسم بعزة وجلال الله ان كل حرف قلته صدق وباقي في الحلم خرابيط بسسس مااتذكرها.:angry2: